🍒الفصل الرابع: كن لي أبا
♣️الجزء :876
الليل كلشي ناعس السكات فالقصر صفاء وبلقيس نعسو هاكاك فالصالون معانقين ومغطيين بالمانطة
أكرم رجع لدار لي فالجبل ماقادرش ينساجم باغي يبقى غير بوحدو ،فهد بقى فجردة كيكمى حتى كمل دخل نيشان لصالون لقاهم ناعسين غطاهم مزياان وباس صفاء وطلع ينعس
فنص الليل بدأ كيتسمع صوت غريب فالقصر بحال شي حركة براا شوية صوت السلاح والقرطاس فهد كان مازال مانعس جاه الصوت بعيد لكن غير ملي سمع صوت القرطاس سدق وااقف كيطير اول حاجة دار مشى لمجر جبد السلاح دارو فضهرو لبس سبرديلة وخرج حيت كان لابس السورفيت ،داز من قدام بيت عصام ودق بالجهد وزاد تاني حتى لعند يوسف ودق ومشى عند سلمان وحل الباب بجهد حيت عارفو مامزوجش لقاه ناعس والبخوشة محشية فيه هز حاجبو وقرب حركو بالجهد حتى فاق ،سلمان غير حل عينيه وشاف فهد وسمع الصوت وقف كيجري عرف واقعة شي حاجة
فهد نزل لتحت كيجري اول حاجة دار طل على صفاء وبلقيس كانو فالصالون بعيد شوية على الباب ماوصلش ليهم الصوت تنهد براحة وخرج كيجري تابعو سلمان لي شاد فيديه مسدس ويوسف لي هابط مدهشر غير شافهم بالسلاح رجع كيجري يهزو
اما عند عصام وسحر لي غير سمحو الخبطة بجوجهم جلسو حيت نعاسهم خفيف سمعو الغوات وصوت السلاح وقفو كيجريو غادين لدريسينج
عصام شاف فيها:فيييين غادية
سحر :غادية البلاصة لي غادي ليها نتا
عصام كيلبس السبرديلة :سيري تجلسي الله يهديك راه ماعارفينش شنو طاري
سحر كتقاد فالسلاح:حتى انا بغيت نعرف شنو طاري
عصام هز سلاحو وحرك راسو بواخا وخرج هز الساروت وسد عليها الباب ونزل
سحر خرجات كتجري هازا المسدسة ولابسة سورفيتها وسبرديلة جات تحل الباب مابغاتش تتحل عرفاتو سد عليها عضات على فمها وحركات راسها
سحر: بغيتي نرجع لسحر لقديمة غادي نرجع
خرجت لبالكون كتسمع الصدااع فالباب دالقصر ،شافت لتحت كتبان ليها مسافة عالية شوية ولكن تقدر تنقزها حيت مواالفة هادشي ،دارت المسدس فنصها وتهزات على البالكون شدات فالحديدة وقلبات جسمها برا البالكون ، شافت لتحت وطلقات يديها جات واقفة لتحت شدات فركبتها ضراتها ووقفات كشات كتجري جيهة الباب هي غادية وعصام خارج شافها سبقاتو تصدم حل عينيه شرعهم وخنزر وسحر شافت فيه وبتاسمات
عصام : كيييفاش نسيت انا مزوج طرزااان
♣️الجزء :877
خرجو كيجريو لقاو فهد وسلمان شادين السلاح اواقفين مع الكارد كيضربو شي رجال هاجمين عليهم ماعارفينش حتى شكون هوما
