🍒الفصل الرابع: كن لي أبا
♣️الجزء :882
ليليان: وملي كيهبطو سراولهم كتعرفي شنو كيديرو
ابرار حركات راسها بلا: لا كيكون الضلام ماكيبانش ليا كنشوف غير السراول مهبطين
ليليان بتاسمات بمكر: نقول ليك كيفاش كيديرو
ابرار: اه اه قولي
ليليان : كتنعسي ونهبطي السروال وهو . قاطعاتها صفاء بسرعة
صفاء : ويلي ويلي ويلي سكتي شنو كتقولي
ليليان:راها خاصها تعرف
صفاء: لا ماتقوليش ليها هادشي حتى تكبر وماما ولا خلتو ذكرى تقول ليها
ليليان ضحكات: هاديك راه مراة خالك ماشي خلتو ذكرى
ابرار خلاتهم وناضت كتلعب وسط الربيع
صفاء بتاسمات : هه راه مازال ماولفت ماما ومازالة كتجيتي تقيلة
ليليان :ههه دابا تولفي ، ها انا( تنهدات) ماعنديش ماما وولفت نقول ماما ذكرى
صفاء: الله يرحم ماماك
ليليان : اميين الله يرحمهاواخا عمرني شفتهاولكن ربي عوضني بماما ذكرى واخا بعض المرات كتعايرني وتضربني هههه ولكن عارفااها كتموووت علياا
صفاء: الصراحة ضريفة بزااف
ليليان:انا غادي نوض نشوف ديك الهبيلة فين مشات يالاهي معايا
صفاء: غير سيري شوية ونلحق عليكم نتمشى شوية
ليليان خلات صفاء جالسة وناضت كتقلب على ابرار فالمساحة الخضراء لي وراه الفيرمة . المنطقة كلها ديالهم وكلها دايرة بحيط كبيير
فالجنان ، أرض واسعة غالب عليها اللون الأخضر، العشب طالع فأبهى حلة وورد أصفر كيفكرك بأن فصل الربيع قرب يدخل، الفراشات فكل بلاصة و كيزيدو المنضر جمالية و رونق،
وسط الفراشات كاينة فراشة أخرى مميزة كتتمشى بين الورد و تستنشق عبيرو، أبرار ب شعرها العسلي لي منسادل على كتيفاتها، و بالضحيكة لي ما مفارقاش محياها، طول عمرها مكانتش عارفة شنو كيعجبها نضرا أنها كبرت و تربات غير وسط بار، ولكن دابا إذا سولتيها غادي تقولك أكتر حاجة كتفرحني هي نكون حرة وسط الطبيعة تعيش بحال سي عصفورة تجري و تنقز،
كتتمشى و كل مرة كتطلق يديها تقيس شجرة عشبة وردة و لا أي حاجة تلقاتها، ولات عندها عادة تقيس كلشي كتحس بلي أي حاجة مرت من حداها ماغاديش تعاود تشوفها لمرة تانية لهذا ملي كتلمسها بحالا كتودعها بطريقتها، فمها كتعلوه ابتسامة بريئة كتحمق، و هاذ الإبتسامة زادت وسعات ملي بانتليها مشيشة كبيرة بيضة و فيها بقع فالرمادي، قربت عندها بشوية باش ما تهربش و حنات على ركيباتها حداها و هزاتها قبل ماتهربليها
