🍒الفصل الثالت:صفاء روحك أذابت فؤادي
♣️الجزء :544
خرج فهد مبتاسم وفرحان اولا حيت ماتعذبش بزااف باش يصالحها وتسمح ليه ،وتاني حاجة على الفكرة لي جاتو باش ينعس معاها هاد الليلة .
أول حاجة دار صونا الكارد يجيبو ليه شي طموبيل بقى كيساين شوية حتى جابوها ليه. ومشى لواحد الريسطو معروف كيدير الشوربات والصوبات زوينين خدا ليها ل
صوبا ديال السمك بالخضرة وخدا شوية دالمقبلات فحال بريوات معمرين بيتزات صغار حيت شافها مرة أخرى عجباتها بيتزا ، ولي كريش معمرين وخدا ليها عصير مخلط داز لواحد سوبر مارشي تقدى شوية ديسير ولوازم كتحتاجها فالدار بحال الزيت السكر الحليب لوازم ديال الفطور لوازم التنضيف ،الشمبوانات أي حاجة ممكن تحتاجها تقداها خرج من السوبر مارشي محمل
حط التقدية كلها فالكروفر وسد عليها
وتمشى لفارماسيان كانت قريبة خدا ليها الدواء دالسخانة وتلاتة دالرابوز ،
وركب هز من الساشية واحد الرابوز خباه فالطموبيل وتحرك نشطان راجع لعندها
أما هي غير خرج قاصت جبهتها لقات بصح فيها السخانة رضات الماء غير يدفئ شوية شعلت الشمع حيت الضلام طاح ، هزات سورفيت مصبنة والملابس الداخلية من الكرطونة حطاتهم فوق السداري وسدات الباب بالزكروم عانداك يرجع
هزان الماء والفوطة ودخلات نالحمام بالزربة قلعات حوايجها حطات الماء فالسطل وبدأت كتكب عليها الماء الدافئ مايل لبرودية دوزات على لحمها صابونة حجرة وتشللات وخرجات دغية نشفات شعرها وجسمها لبسات حوايجها وسورفيط دارت القب ديالها فوق راسها حيت ماغاديرش كايكسطة فداار
جبدات الساشية ديال الدواء شربات لي كالمون لي عطاها الطبيب فأخر زيارة ليه ،جبدات التقطيرة دارتها لعينيها حيت بداو يضروها وتكات فوق السداري مغمضة عينيها
________________________________________
عند ليليان خرجات من الدريسينج شادة فيها براءة بعد ماعاوناتها تلبس البيجامة نعساتها على السرير بشوية غطاتها وجلسات قدامها
براءة : ليلياان نتي بيخير أختيي
ليليان بتاسمات: بيخيير
براءة: ملي جينا ماهدرتي كتجاوب قد السؤال
ليليان تنهدات وعينيها عمارو بالدموع: شنو بغيتيني نقوول أبراءة، انا ليوم خسرت قطعة مني خسرت بنتي ولا ولدي ، واخا كنت حاالسة بيها غادي تكون بنت ، أنا ليوم بطيشي قتلت بنتي ، تسببت فمقتل دملاك صغييير
