🍒الفصل الثالث : صفاء روحكي أذاب فؤادي
بلقيس:ودابا ماكاتفكريش ترجعي تتعلمي
صفاء:بصراحة معنديش الوقت مع الخدمة بزااف مكانساليش. كنت درت بالي شي أيام باش نتعلم . وتعلمت الحرف ألف وباء وتاء، وتعلمت من واحد حتى لستة
لكن مابقيتش كملت ونسيتهم
ليليان:نعلمك اناااا
يوسف:صافي عمرك غادي تتعلمي علمتي حتى راسك
ليليان:لااا الحروف والأرقام ساهلين ماشي بحال القراية لوخرا كنكرهها
ذكرى:هي هاد العام ماغادي تفاليدي واالو
ليليان: أنا بعدا كون غير خليتوني نبيع المسمن ماقارياش ماقارياش
مع هدرات مع حطات الخدامة قدامها طبسيل ديال المسمن
ذكرى: هههه وا هاهو نوضي هزيه وسيري بيعيه ههههه
ليليان مع هبطات عينيها ليه شافتو وطلعت معاها ريحتو طلعت معاها الردة ماجات تنوض كتجري حتى كانت طلقاتها ورضات فوق الطبلة وفوق طبسيل المسمن . كلهم وقفو مخسرين سيفتهم
ذكرى:لييلياان مالكي ابنتي
يوسف شاد ليها راسها ومبعد ليها شعرها باش مايتقاسش:صاافي بشوية عليك أحبيبة
أكرم: أنوضها عليينا من تم قلبنا طلع
يوسف شاف فيه مخنزر: ماعجبكش الحاال قو.. ماقدرش يكملها
بلقيس قربت منها:بنتي ليليان شوية
ليليان علات راسها كتنهج وجهها صفر وحركات راسها بأه
بلقيس:نوضها أيوسف غسل ليهاا وجهها
يوسف وقفها لقاها فاشلة تحنى وهزها بين يديه قدامهم ومشى بيها جيهة الحمام لي لتحت حلو بيد وحدة ودخل هازها . وقفها قبالت المراية ووقف وراها حل الماء وهز ليها شعرها وبدا كيغسل ليها وجهها وهي غير حاضياه من المراية وعينيها مدمعين
هو كمل ليها الغسيل ومسح ليها وجهها بالفوطة وشاف فيها من المراية مبتاسم غير شاف عينيها مدمعين خنزر
يوسف:مااالك شنوو ضارك
ليليان بسرعة دارت تلاحت عليه معنقااه وكتبكي فصدرو: أهئ أهئ
يوسف بخوف:مااالكي شنووو واش كتحرقك شي حاجة
ليليان حركات راسها فصدو بلا: أهئ أهئ كنبغييك بزاااف .(زادت معنقاه بقوة) نتا هو بااابااا
يوسف ماعرف يبتاسم ماعرف بخنزر ، كلامها عندو بزااف دالمعاني زوينين وخابين فنفس الوقت تنهد وعلا ليها راسها كيمسح بيديه عينيها المدمعين: أنا حبيبك أنا باباك أنا لي بغيتيه يكون غادي نكون . لكن نتي عندك باباك الحقيقي
ليليان غير سمعاتو بدات كتحرك راسها بلا وكتبكي: هئ هئ لااا ماشي باااباا مابغيييتوووش كنكرهو كنكرههم كلهم وحتى هو كنكرهووو مابغييتوووش نتااا غادي تولي بااابااا
يوسف خلعاتو عنقها وكيسكت فيها : صااافي صاافي شوووووو أنا هو باباك غير ماتبكييش
