🍒الفصل الثالت:صفاء روحك أذابت فؤادي
♣️الجزء :662
هبطها جارها معاه فدروج بخطوات سرااع بنسبة ليه كيتمشى عاادي لكن بالنسبة لصفاء ماقادراش تتمشى معاه بنفس الريتم كانت كتجري
وصلو لباب صالون ووقف كيشوف فيها نضرة أخيرة وااش هي هاديك واش ماكينش شي حاجة ملفتة فيها لقاها كتنهج علا راجبو
فهد:مالك كتنهجي
صفاء: هااه هاااه لا والو غير هبطت فدروج كنجري
فهد:إمتى جريتي
صفاء بقات غير كتشوف فيه : أأ
فهد عرف بلي مشيتو عياتها عض على فمو وجرها تاني معاه داخل لكوزينة ،غير شافوهم الخدم وقفو مصااففين وهبطو راسهم لأرض
رئيسة الخدم : سيدي واش بغيتي شي حاجة
فهد ماجاوبهاش وقف صفاء وتمشى كيقلب فالبلاكارات مالقاش داكشي لي بغى
رئيسة الخدم:سيدي إدا بغيتي شي حاجة أمرني
فهد:الماء
رئيسة الخدم:راه كاين فالتلاجة انا نجبدو ليك
فهد:لاا بارد غادي يمرضها بغيتو سخون عاادي
رئيسة الخدم شافت فصفاء بإستغراب وشافت فيه :امم احم واخا اسيدي كاين فالخزين انا نجيبها ليك
فهد حرك راسو بأه وهي مشات كتجري جيهة البيت لي عاامر بالسطوك ديال أي منتوج خرجات هازة بكية دالقراعي الحجم الصغير ،حلاتها ومداتها ليه فهد شدها من عندها وقرب عند صفاء لي مصدوومة من إهتماامو بيها عمر شي حد ماهتم لعياها ولا لعطشها والا لمرضها
هو كل مرة كيصدمها بنوع من الإهتمام نهار مرضات هتم بيها ووكلها بيديه وبات معاها وعرفات أنه غير دار خطة باش يبات معاها فبراكتها مايمكنش عندو هاد الأملااك كلها وهاد الهييبة وغادي يجريو عليه هههه وزيد ماغادي يلقى فين يبات ويجي عندها لبركاتها،ملي بدأت كتحس بتصرفاتو بدات كتحلل داكشي لي كيدير وكتفهمو،
تقدى ليها فدارها ومخلى ماجاب فالتقدية مهتم بلبسها وشاري ليها الحوايج ماخلاهاش تنزل بالقفطان جاب الكاسكيطة ديالو جديدة لبسها ليها ومخلاهاش بديالها الكاشفة وداابا شافها كتنهج جاء كيقلب ليها على الماء
واخا قااصح ومصندل ماكيحشمش وماكيخاافش ماتسمعش من فمو الكلمة الزوينة لكن أفعالو العكس ، أفعالو كيبينو مدى إهتمامو بيها مدى حبو لقلبها ولشخصيتها ،مابغاهاش على جمالها وباش يتفاخر بيها قدام الناس والدليل على دارك مابغاهاش تقلع عليها
