🍒الفصل الثالت:صفاء روحك أذابت فؤادي
♣️الجزء :588
صفاء رمشات فيه:حيت حيت المونيكات عريانات مازال ملبست ليهم
فهد شد الضحكة غير بزز باش يقدر يحافض على التخنيرة ديالو. ضحك على تفكيرها وبرائتها ماعارفاش بلي راه النص ديال البنات لي فالكرة الأرضية عراهم بقات ليه غير هي كيساين الفرصة فين يشدها
فهد حك نيفو وشاف فيه قارن حاجبو:ونتي علاش كتلعبي بالبنات عريانات ماكتحشميييش
صفاء رجعات حمممرة حشمها :لا ماشي هكاك غير لعبت بهادوك وخفت منهم وتخلعت وبغيت نلعب بهادو
براءة وليليان عاد ردو ليه البال نقصو من الصوت وقطعو الحس
فهد خنزر وشاف فالتلفازة لقاهم لاعبين لعبة فيها الوحووش والتوتر وهو عارفها فيها الضييقة وماخصهاش تتوتر باش ماتتخنقش
شاف فبراءة وتكلم بصراخ:علااااش جااايبين هاااد الزباااال لهنااااا
براءة:غير غير بغينا نلعبو أخوويا
فهد:لعبوووو لعب البنااات ماشي هادشي دالعزاارة ،جمعووو عليا هاااد المرررض
براءة ناضت كتجري: واخا واخا اخويا جمعاتو وخرجات كتجري لبيت أكرم
وليليان نعسات وتغمغمات خايفة يسبها
فهد شاف فصفاء لقى وجهها صفر وكتبعد راسها خايفة يجمع معاها بشي تسرفيقة
فهد:ونتيييييي علاااش تلعبيييي هااد الزبل رجعتيليا هناااا عزريييييي
صفاء بخوف : أ أ احم لا ماشي هااكاك
فهد خنزر فيها:شنوووو لي ماشي هاااكاك لبس الدراااري دوزنااها، لكن تلعبو لياااا هنااا فحال العزاارة فرأس الدرب لاااااا نجمع مع دييينمك حتى تدوووري
ذكرى حلات الباب كانت طالعة تعيط ليهم يديرو كسكروط حتى سمعات غواتو دخلات كتجري لقاتو حاني على صفاء وهي مخلوعة حسابليها دربها جراتو من كتفو حتى بعداتو ووقفات بينها وبينو
ذكرى:امااااالك مع البنت أداااك المصعووور ماااالنا
فهد تنهد:الواليييدة ماتدخليييش عافاااك انا عارف شنو كندييييير
ذكرى: شنوووو كتديير غادي تقتل البنت بالخلعة شوووف وجهها كيف صفر ،وااش كملتي من براءة وليليان ودزتييي ليها
فهد:الوااليدة الله يرحم الواليديين ماتدخلييييييش
ذكرى: غادي نتدخل وأخر مرة تغوت على البنت ولا تخلعها ، هادي ضيفة فدااري ماتعاااودش تقرب لييها
