🍒الفصل الثالث : صفاء روحكي أذاب فؤادي
مخلاو فيين قلبو وجاالو حتى فقدو الأمل وسلمان قلبو كيضرب خاايف عليها حيت رجعات حاجة مهمة فحياتو كيكيمي سيجارة مور سجارة والتيليفون غير كيصوني وهي مكاتجاوبش جنناتو . وصل حتى لباب لقصر ونزل هو وفهد لي غير واقف
سلمان بحدة ماعندووش الكانة يعبر ولا يتناقش: بنت كانت حاضرة فالعرس لابسة سورفيت وكاسكيت شفتوووها
الكارد تمتم بخوف عنداك تكون وحدة من عائلتهم ماعرفوهاش حيت الأوامر بنات العائلة مايخرجوش من الدار فالليل بلا علم ديالهم:أه أسييدي خرجات
سلمان عض على شنوفتو : فين خرجات وفين مشات
الكارد:خرجات أسيدي وجلسات فالباب وصلاح بغا يبعدها من الباب حيت الضياف غادي يبداو يخرجو. قاال ليها تنوض من الباب وتبعد من هنا
سلمان رجع زرق:اممم اهاه وشنو تاني
الكارد صلاح غير ساكت البولة غادي تهبط ليه
الكارد: قالت ليه نخاف نمشي بوحدي قال ليها خرجي لشانطي غادي تلقاي طاكسي
سلمان بسرعة علا راسو فالكارد من طبعو كيكره الكذووب قرب ليه عينيه فعينيه وهدر بحدة: وهناااا كااااين الطاكسياات
صلاح الكارد: سيدي أنا غير كنت بغيت نبعدها من الباب
سلمان ضربو بروسيا حتى طاح وبدا كيركل فيه: والباااااب دياااال بااااك. وعلاااااااش غادي تبعدهاااااا شكوووون قااالها ليك
فهد جرو من عليه وسلمان بالتجنينة لي فيه فقد السيطرة على نفسو أصلا ديما كيطرا ليه هكا :سلمااان باراكا تحرك غادي تقتلو
سلمان ماحسش براسو كيضربو ويركلو وفين ماجات لراسو لكرشو لصدرو لمهم باغي غير يبرد
فهد جرو بصعوبة لجيهة الطموبيل وركبو وركب هو باش يسوك.
سلمان:بعدوه من الباب . مانعاودش نلقاه هنا. إدا شفتو غادي يموووت
فهد: صاااافي تهدن
سلمان بعصبية: مااااتقلييييش تهدن واااش بنت تلاتة ونص ديال الليل وهي فشااريع وكتقول ليا نتهدن. وزييد أنا المسؤول علييها أنا لي طلبتها تبقى
فهد غير كيتنهد ماعرف واش يأنبو ضميرو ولا يحملها هي مسؤولية غبائها.
دار على الرومبوان غادي جيهة لبحر قال يمكن تكون مشات ليه . مع غادي مع دوز عينيه فالجردة لي فطريق وهوما يخرجو عينيه ملي شاف شيحد ناعس فوق الكرسي. بسرعة وقف الطموبيل
سلمان: ماالك علاش وقفتي
فهد: داك الكرسي لهيه شيحد ناعس فيه
سلمان غير سمعو خرج كيجري وفهد تنهد ونزل تابعو حتى وقفو ليها فوق راسها.
غير وصلو لعندها وشافها سلمان طلع النفس وهبطها برااحة طلعها من رجليها حتى لفوق كيتأكد ماطاري ليها واالو عاد عض على سنانو وحركها بقوة
سلمان: هيييي نوضي لممممك ليوووم نسلخك
فهد علا حاجبو كيقول مع بالو لهاد الدرجة واصلة علاقتكم. أما صفاء مجاوباتش من التعب طاحت نعست دودة
سلمان تحنى وحركها بقوة حتى ناضت قافزة وجلسات كتشوف فيهم مفاهمة والو
صفاء: سلمان
سلمان بعصبية قلبو كان غادي يسكت ليه بالخوف عليها: شكااااديري هناااااااا
صفاء مافهمات والو ومع كانت ناعسة تضهشرت ماعرفات حتى علاش كيغوت عليها
صفاء:سلمان مالك
سلمان:عاااااااد كتسولييييني مااالي . علاااااش تخرجي من الدااار وعلاااش جاية تنعسي هنااا. مالاقياااش فيين تنعسي
