🍒الفصل الثالت:صفاء روحك أذابت فؤادي
♣️الجزء :638
فهد:فطريييييي ماكملتييش طبسييلك ماغاديش تنوضي من بلاصتك
صفاء شافت فيه :هادشي بزااف الطبسيل عامر
فهد خنزر:جووج خيارات ومطيشة وجبن عاامر باش عاامر
صفاء: أحم راه ماموالفااش هادشي مكناكلش مطيشة فالصباح
فهد تنهد :شنو موالفة تاكلي
صفاء: كناكل البيض بزيت العود
فهد حرك راسو بوااخا ووقف وجر طبسيل عامر بالبيض مقلي من وسط الطبلة وحطو قدامها هز قريعة دالزاج فيها زيت العود كب ليها فوق البيض وهز شبكة ديال الخبز حطها كلها قدامها ،خلاهم كلهم كيشوفو فيهم وصفاء خدودها غادي يتفركعو
فهد:ياالاه كوولي كملي الطبسيل
صفاء حلات عينيها وتمتمات:و لكن بزااف راه كتر من 10 دالبيضات هنا
فهد :علاش شحال موالفة كتاكلي
صفاء:بيضة وحدة
فهد:وإمتى كتتغداي
صفاء:احم ملي كنرجع فالعشية
فهد خنزر :كتبقاااي نهار كلو على بيضة كووووولي
صفاء بقات كتشوف فداك الطبسيل وكتقول مع بالها كيفاش غادي نكمل هادشي كلو مدات يديها بوييوضين وهزات الخبز وبدأت كتاكل بشوية وتلولب عينها كتشوف العائلة كلهم كيشوفو فيهم ويبتاسمو خدودها دغية تلونو وهبطات عينيها مابقاتش طلعاتهم
أما فاهد جالس كيفطر مامسوق لحد لي بغا يشوف يشوف لي بغا يضحك يضحك أخر همو ماكيتسوق لحد
ذكرى كتتفادا تشوف فعصام:أحم كوولي أبنتي فطري مزياان راه الفطور مهم
صفاء علات راسها وبتاسمات: واخا أخالتو انا كنفطر
يوسف حنحن:أحم الواليدة ليليان طلعتو ليها فطورها
ذكرى شافت فيه بنص عين :اممم ومابغاتش تفطر
يالاه كملات كلامها سمعات الحس وشي حد هابط من لفوق علاو عينيهم وهوما يتصدمو ملي شافو ليليان هابطة بكسوة طويلة دالمحجبات فاللون الزهري وفوق راسها شااال مغطية بيه شعرها
🍒الفصل الثالت:صفاء روحك أذابت فؤادي
♣️الجزء :639
غير شافوها كلهم حلو فمهم وأولهم يوسف لي عينيه خرجو بالصدمة وهو كيشوف حبيبتو هابطة فالدروج لابسة لباس دالمحجبات
كلهم ماتيقوش شنو كيشوفو ،ليلياان لي لبسها ديما عريان دابا نازلة ولابسة حجاب فراسها ، كلهم وقفو ومنهم يوسف لي رجع كلو كيترعد
