🍒الفصل الرابع: كن لي أبا
♣️ الجزء :832
خرجو عصام وسحر وبقى فهد وااقف قبالت صفاء دار يديه على خصرو كيتنهد وهي وااقفة كتلعب فيديها حشمانة منو
تنهد بعياء ودفع الباب حتى تسدات ودور الساروت ودار كيقرب عندها ، وهي كلما قرب ليها كلما كتزيييد تتوتر ورجليها كيفشلو عليها حتى وصل قدامها مانطقش بقى غير واقف كيشوف فيها معلي حاجبو ومخنزر
اما هي بقات وااقفة توترة مرة مرة كتعلي فيه عينيها وبزربة كتنزلها خدودها توردو خجلا منو وعااد طلع معاها القالب انها غارت وبينات قدامهم كلهم غيرتها عليه ،رجليها فشلو عليها وكانت غادي تطيح بسبب التوتر وزيد الدوخة حيت من شحال ماوقفات ومازالة عيانة
فهد وقف مخنزر وتكلم بحدة: داااابا شنووو ندييير فأصل ممممك
صفاء قفزات بسباب صوتو وتمتمات: ع علااش ش شنوو درت
فهد بصراخ : لاااا مادرتي واالو غير رضيتيني شمااااتة وكذاااب وقواا••د
صفاء هبطات عينيها لأرض مدمعين
فهد: عليييي عينيك شوفي فيااا
صفاء علات عينيها الزورق كيقطرو على خدها
فهد واخا شاف دموعها هاد المرة ماضعاافش قصد أنه يقصح معاها الهضرة باش المرة الجاية ملي يقول ليها الحاجة تيقها
فهد بعصبية: وااااش كنبان ليك شماااتة ولا قوااا••د
صفاء ماجاوباتش
فهد:ملييييي نسولك جااااوبي وااااش انا شمااااااتة
صفاء بدات كتبكي وكتحرك راسها بلاا
فهد: ومليييييي لاااا علاااش ماتيقتينيييش قلت ليك ماشي انا لي صيفت مساج الكااارد ، ونتييي باش جوبتي كذاااااب (ضحك بإستهزاء وعض على سنانو مغدد) رضييييتيني قوااااا••د ماشي راجل صيييفت لكااارد يدخل عندك لوسط دااارك يخرجك،
(صفاء كتشهق ببكاء وهو كيغوت) واااش انا لي ماكنخلييييكش حتى تقربي لجيهة الباااب وااش انا لي السراجم من نهاار جيتي وأنا سااادهم كنحلهم تتهوى الدار حتى كتنعسي نتي والصباح كنرجع نسدهم ،واااش انا لي ماحاااملش شي حد يشوف ضفر يدييييك نصيفط لكااارد يخرجك ،وزييييد شرحت ليييك وماتقتيييش بيا وقلتي ليا كذاااب
صفاء بدات كتبكي بالجهد
فهد تنهد وساط بعصبية وبقى معلي حاجبو فيها مخنزر ، وهي ماكاتشوفش فيه غير كتبكي ،بقى حااضيها عينيها مدمعيين ووجهها حمممر شنايفها عاضة عليهم وكتبكي ، عزااات عليه ومابغاهاش تبكي خصوصا مازالة مريضة تنهد بسخط وجرها من يديها ودخلها فصدرو ولوا يديه على ضهرها حاضنها عندو وباسها من راسها
