🍒الفصل الثالث : صفاء روحكي أذاب فؤادي
كوتر كانت جاية كتلهت بزز باش تفارقت معااه وجهها حمر بالتصرفيق: ماالكي
صفاء شافت فيها وتنهدات:رااس المال مشى
كوتر :أويييلي وساااكتة: وييييك وييييييييييييك أعباااااد الله
الناس لي كانو تما كلهم تجمعو عليها
حسام:مااال أصل ممممممك نتي فين مامشيتي تبرحي
كوتر: شفااااااار شفااااااااار صابر تشفرات
مرأة:لا حولة ولا قوة الا بالله
حسام:شكوووون شفرك أصابر شفتيييه
صفاء كانت جالسة وحاطة يديها على راسها ماكتهدرش حركت راسها بلا
حسام:الدراااااري طييييييرو قلبو عليييه غادي يكون غير هناااااا
الدراري لي كانو فالسوق كلهم نتاشرو كيقلبو عليه
أشرف كان جاي شاف الجوقة عليها جاء كيطير بعد الناس ودخل بينهم بالخلعة وقفها كيقلب فيها
أشرف بخوف: مااالكييي مااالكييي واش ضرك شي حاااجة وااش قلبك دويييييي
كوتر:لااا راه تشفرات
أشرف:شكوووون شفرها وشنووو مشى ليها
كوتر جات تهدر وهو يجرها حسام وراه غاير عليها، وهي قلبات عينيها بملل وهدر هو: ماعرفنااش يالاه طرا هادشي
أشرف تحنى على صفاء: صاافي تهدني تنفسي بشوية عليك. شنو مشاليك
صفاء تمتمات :راس المال كلو أ أشرف غدا ماعندي باش نتقدا السلعة وزيد حتى فلوس الرابوز كنت ليوم غادي نشريه
أشرف:ماشفتييش شكوون
صفاء حركات راسها بلا: غفلت دقيقة كانو طيروهم
أشرف:علاااش فيين مشييتي ديما كنوصيك ملي تجلسي هنا ماتحركييش
كوتر من وراء حسام: هااء وصاافي أصاحبي غادي تزيد تكمل عليها
حسام دار عندها مخنزر:زمييييه
شافت فيه وقلبات عينيها
أشرف:الدرااري توما حتى حد ماشاف شكون شفرها
الشاب:واالو أخويا كانت هنا مضاربة تلهينا فيها
أشرف شاف ف صفاء: داابا نتي غير تهدني فلوسك غادي يرجعو ليك ماتعصبيش باش ماتمرضيش
صفاء شافت غيه وبتاسمات بقهر وناضت غادية: عافاك أخويا جمع معاك هادشي لي بقا هه واخا كنت فرحانة قربت نكمل السلعة لكن فيها خير . دارت يديها فجيمها وتمشات
أشرف:فييين غادية سايني نجمع هادشي ونمشي معااك
صفاء: لاا بغيت نبقا بوحدي عفاك ،هبطات الكاسكيط على راسها باش مايبانوش دموعها ومشات
