🍒الفصل الثالث : صفاء روحكي أذاب فؤادي
لتحت فالجردة كلهم كانو جالسيين فالجليسة مجموعيين ،من دييما كيبغيو يديرو هاد الجليسات باش تتوطد علاقتهم ويبقااو ديما مجموعين وحتى ولادهم يبقاو قراب لبعضياتهم ويبغييو يعضياتهم
جالس مراد وقدامو ذكرى وياسين وبلقيس ديما مجلسها قدامو مازاال كيعشقها فحال أول يوم شافها فيه ،مازالة كتبان ليه الصغييورة والنوارة لي نوراات حيااتو وكلما كتهدر كتلقاه كيشوف فيها بحب كبييير كيعشقها وباغيها تفرح بأي طرييقة
وعصام جالس ومجلس قدامو سحر لي مانطقااتش ملي نزلت مرة مرة كتطلع راسها فعصام كتلقاه كيهدر مع فهد فأمور خاصة بالخدمة وكترجع بزربة تنزلهم
علات عينيها فيها كتحقق فتفاصيلو كيفااش جاالس بهيبة راسو مرفووع وكيتكلم بتقة شافت فوجهو ملامحو الرجوولية وحاجبو لي كل مرة كيهزو ولا كيقرنو بسباب تفاصيل النقااش لي داير بينو وبين خوه ،ماعرفااتش هاد النهاار ماالها ملي وقع بيناتهم داك المشكل وهي قلبها كيضرب نزلات داكسااع هرباانة منو ولكن غير نزل هو قلبها تااني رجع كيزدح كأنها أول مرة غادي تشووفو نفس الإحسااس ديال بداااية الحب ،حااسة بالسخااانة وقلبها كيضرب غادي يخرج من بلاصتو ريقها ماالح كرشها كتدووور ماكرهااتش تنوض ترض وجهها عرقاان ،علااات يديها كتمسح فجبهتها وكتتنهد ،
سلمان لي كان قبالتها مافاهمش ماالها كتبان ليه ماشي طبيعية
سلمان:سحر ماالكي
كلهم دارو شافو فيها وحتى عصاام لي كان منغامس فالحواار غير سمع سمية سحر قرن حااجبو وقلب عينيه لييها
عصاام: ماالكي شنو طاري
سحر تمتمات :لا احم واالو مافيا واالو
سلمان :كتباني ليا ماشي طبيعية وجهك حمر وكل مرة كتخصري سيفتك
عصام شد ليها فخدها كيشوف فيها:ماالكي وااش مرييضة الكبيدة ناخدك لطبيب
سحر توترات وزادت حمارت:أحم لاا احم أنا بييخير
ذكرى:وماالكي أبنتي وجهك حمر كتضرك شي حاجة
سحر: لاا غير معدتي ضاراني شوية
ذكرى بتاسمات: ياكما فيك الرضة والدوخة
مراد:صاافي ضرتي ليهم حتى هووما
ذكرى:ماالك نتا غير حاضيني علااش قلت شي حاجة عييب ،تقدر البنت تكوون حااملة خاصنا نعرفو
سحر حلاات عينيها فيها بصدمة وعصام بتاسم وشااف فيها بنص عيين
عصام بتاسم جنب: حبييبة وااش بصح ياكما شااكة فراسك نووضي ناخدك لطبييب
سحر تدهشرت بقات غير كتشوف مصدوومة : أأ كييفاش
بلقيس: هههه أويييلي على البنت ماالكي وااش حاسة بأعرااض الحمل
سلمان: ياكما الفرحة غادي تولي فرحتيين
عصام شاد الضحكة بزز كيشوف فيها كيفاش ماعافااش تجاوب هبيييلة واخا تبغي تبين راسها زعمة مايقد علييها حد لكن فهاد الموااقف كتتحرج ، عصاام عينيه كاانو حااضينها فكل لحضة كيقوول هاهي غادي تدور تشوف فيا هاهي غادي تطلب مساعدتي وحماايتي كيقول مع نفسو دوووري أسحر شووفي فياااا ديري كيف كنتي كديري شحال هدا طلبيييني نحمييك منهم، وفعلا بقاات متوترة تواني وشافت فيه بحالا كتقول ليه فكني منهم
عصام غير شافها بتاسم وجرها عندو من خصرها حط راسها على صدرو مخبيها من هاد الموقف المحرج
عصام: هههه مع الأسف ماكاينش حمل ، حيت مازاالين مامستعديينش ليه ومقررناهش ، وكل حاجة كتجي فوقتها المناسب
