🍒الفصل الثالت:صفاء روحك أذابت فؤادي
♣️الجزء :634
عند فهد طلع فالدروج وتمشى فالكولوار و صل حتى نالباب وبدون مقدمات حل الباب بلا ميدق
حل الباب ودخل شاف فسرير مالقاهاش دار وهو يلقاها واقفة قدام الحمام هي غير شافتو رتابكات وخبات التقطيرة لي كانت كتدير فعينها فالجيم
فهد شافها واقفة كتترعد ومتوترة طلعها وهبطها بعينيه لقى مافيها حتى إختلاف نفس السورفيت لابساها ودايرة سبرديلتها كانت ناوية تهبط لكن لي مافهمش مالها مخلوعة قرب ليها بخطوات بطييئة وصل حتى لفوق راسها هبط عينيه ليها هي لي وااقفة متوترة وكلها كتترعد
فهد بصوت رجولي مبحوح: ماالكي
صفاء علات راسها ويديها مازالة فجيمها وتكلمات
بخوف: و واالو
.فهد : اممم وعلاش كتترعدي
صفاء: غ غير حيت دخلتي بلاما تدق
فهد:وعمرني غادي ندق
صفاء: هاا
فهد أشار ليها فجيمها: شنو فجيمك
صفاء لونها تخطف:واالو والو
فهد مد يديه :خرجي داكشي لي فجيمك
صفاء: احم ماعندي والو أخويا
فهد:أولا ماخووكش وتاانيا غادي تجبدي داكشي لي خبيتي ولا نقلب لرااسي
صفاء: ر راه واالو
فهد قرن حاجبو وقرب عندها جااهل ماكيحملش الكدوب شدها من دراعها وجرها حتى تصاطحات معاه يالاه غادي يدخل يديه فجيم السورفيت وهي تخرج يديها بسرعة شادة فيها تيليفونها الصغير
فهد شاف التيلي زااد خنزر وشدو من عندها
شدو وطلق من دراعها وبدأ كيقلب فيه وهي كتدعي مع راسها كتقول يااربي مايرضش الباال لتقطيرة لي مازالة فجيمها
فهد شد فيديه التيليفون وبدأ كيقلب فيه أول حاجة مشى ليها هي المكالمات وأول حاجة شافها هو الرقم لي من لبارح ليوم صونا عليها 20 مرة
شاف فيها مخنزر عينيه حمرين بالعصبية : شكوون هاد النمرة لي صونات عليك هادشي كلو
صفاء:ش شمن نمرة
فهد بصراخ: نمرااااااا لي دايرة عليها تصويرة قلب
صفاء :ه ه هداك أشرف
فهد غير سمع سمية أشرف قرب ليها ودفعها على الحيط شادة من فكها بقوة قريب يهرسو ليها
