🍒الفصل الرابع: كن لي أبا
♣️الجزء :897
لتحت فالفيلة كلهم تجمعو ذكرى وبلقيس لابسين قفيطنات خفاف والحجاب فوق راسهم ، صفاء حتى هي لابسة عباية لونها اخضر ومطروزة وفوق راسها حجابها حتى هو فالأخضر الدراري كلهم وصلو منغير براءة لي عاد جاية فالطريق
دخلات طموبيلتها لباب داخلاني دالفيلة ووقفات
براءة: شكرا بزااف خويا اشرف
دار عندها اشرف بإبتسامة : مابيناتناش اختي هادي خدمتي
براءة: واخا هاكاك نشكرك جبتيني هاد المسافة كلها ، دخل جلس معانا حضر لزواج سلمان
اشرف: لا غير خليني نمشي اختي
براءة: صفاء غادي تتقلق
اشرف: راه غادي نرجع نشوفها دابا خليكم حضرو بيناتكم
براءة: بلاتي بلاتي بقى هنا انا رااجعة نزلات كتجري خلاتو جالس مستغرب قالطوموبيل ،
دخلات كتجري نالفيلة كتقلب عليها بعينيها ماسلمات على حد مشات نيشان عند صفاء شدات فيديها وجراتها خارجة بيها
ذكرى: برااءة على السلاامة
براءة جارا صفاء: الله يسلمك الله يسلمك
بلقيس:فيين غاادية ليا ببنتي
براءة:غيييير هنا ماتخافيش ماغاديش نخط•فهااا
فهد كان نازل شافها خارجة بيها تبعهم بالزربة
صفاء خايفة يشوفها فهد: فيين غاديين راه فهد غادي يخاصم عليا حيت خرجت
براءة جاراها: اوييلي غير هنا فالجردة مالنا غادي ناكلوك
صفاء: راه حلف عليا حتى الجردة مانخرجش ليها
براءة: غادي نوريك واحد الحاجة غادي تعجبك
صفاء : شنوو
وقفو قدام الطموبيل ونزل منها اشرف مبتاسم بعدما شافها
براءة: طرااااا
صفاء غير شافتو بتاسمات ومشات كتجري عندو معنقاه
صفاء:خووويا فرحت بزاااف ملي شفتك
أشرف كيدوز على راسها: حتى انا فرحت أختي ملي شفتك كيف بقيتي رتاحيتي
صفاء شافت فيه مبتاسمة: بيخير اخويا مزياانة ،وماماك وخوتك مزيانين
