🍒الفصل الثالت:صفاء روحك أذابت فؤادي
♣️الجزء :555
فهد غير حس بيها نعسات وبدأ كيتسمع صوت ديال نفسها بتاسم وناض بشوييية هبط رجليه غير بالحس باش مايفيقهااش وقف وبدأ كيتمشى ببطئ كيهز رجل ويحط رجل حتى وصل لعندها حيد المانطة من علييها بانت لييه مكمشة ودااير يديها وسط رجليها بتاسم على لطفتها وتحنى حتي لمستواها كيشوف فخديوداتها الحوومر وفمها الصغييور لي جاامعاه على شكل قبلة خادا طبعها فالنعاس ديما كتجمع فمها ،بتاسم بحب وهو كيشوف وجيهها نااصع البيااض فحاالا عمرو قاصتو الشمس مد يديه كيدوز صبعو على خذها بحنااان هبط يديه لشنوفتها لي جامعاها بومباها بصبعو وضحك ملي تنوغشاات وتحركاات كتحك فوجهها وردات يديها لبلاصتها
ضحك بهمس وجلس كيتفرج فيها وفجماالها ،خلق فأبدع سبحاان الله جمالها رباااني ومختااالف كتباان بريييئة بزاااف وزوييينة لدرجة ماكاتصورش أي واحد يقرب ليها ويشوفها يحل فموو من الصدمة ويقوول سبحاان الله
تنهد كيشوف فيها بحب وتكلم بهمس:على هااكا الفلووسة مخبية فهاد الحوايج هممم عاارفة رااسك بووومبا وأي وااحد يبغييك عاارفة رااسك أجمل من الأميراات وملكاات الجماال عاارفة جماالك سااااحر وماكيخليش بنادم يحيد عينو عليك
صفاء حركات راسها فحالا جاوباتو وقالت ليه أه عاارفة رااسي زوينة بتاسم على تفكيرو وقرب ينعس قدامها
فهد: ماداامتي قربيي شوية خليينا نعسو قدامك
شدها بشوية بحالا غادي يهزها ونعس شاد السداري ونعسها فوق صدرو وهي مغيبة ماشي فهاد العااالم أصلا الدواء ديال القلب كيرخييها ماكاتحسش براسها عكس الأيام لي ماكاتخدش الدواء دغية كتفييق
فهد غير حطها فوق صدرو تنهد جااه إحسااس غريييب عمرووو حس بيييييه قلبو ضرب فالتسعيين رجع حمر ماقاادرش يهبط عينيه ليها معلي عينيه لسقف لي مضوي بإضاءة خفيفة بسباب الشمعة لي مزالة شاعلة عض على شنوفتو كيحااول يقدر كتلة هاد الكيااتة لي فووقو،كيحس بوزنها متوسط ماتقيلة بزااف ماخفيفة بزاااف؛ لكن كيحس بفخااضها لي فوق رجليه عاارف غادي تكوون فورمتها زويينة على داكشي كتحاول تخفيها
تنهد وضغط على نفسو لي خااايفها تضعاف فحضرتها وهبط عينيه يشوفها
غير هبط عينيه بتاسم ملي لقاها مكمشة فوقو وشادة التيشورط ديالو بيديداتها صغيورين ومكمشااهم
هبط يديها ودوزها ودوز بصبعو فوق يديها بحنااان وتكلم بهمس بحالا كيخاطبها
فهد:داابا هااد ليديدات كيهزوو تقل دابا هاد ليديدات يقيصو فوسخ الطموبيلات ،(كيدوز على يديها وكيهدر) من ليوم ماكااينااش الخدمة ونسمع مممك باغية تخدمييي نعلقك
