🍒الفصل الثالت:صفاء روحك أذابت فؤادي
غير خرجات صفاء وغابت على عينيه عض على فمو وجمع يديه على شكل لكمة، وقف داير يديه على خصرو كيطلع النفس ويهبطها بقوة باغي يتبعها ماحملش دمووعها مابغااش يوسف يضربها لكن فنفس الوقت كيحملها المسؤولية،عيااا كينبهها بلي البنات مايوصلووش لتما علاش تعيط ليهم علاش تجيبهم لعندها وعلاش تاخدهم ياكلو ماكلة مسخة ماعارفينش كيف مصيبة، فنضرو هادشي لي دارت كيحملها المسؤولة
دار جوج خطوات كان غادي يتبعها لكن تراجع فأخر لحضة وقلب الطريق راجع عندهم غير وصل سمع صوت البكاء والصداع قرن حاجبو ملي شاف يوسف شاد براءة كيصرفق فيها وذكرى غادي تتجنن كتجر فيه
يوسف يد شاد بيها شعرها ويد كيسرفق فيها: علاااااااااااش مشييييييييتوووووو لتمااااا معاااامن تشااااورتووووووو علااااااااش تاخديها معااااااك
ذكرى كتبوس كتفو:العاااااااااار أولديييييي طلقهااااا العاااار جهها زرااق
يوسف:بعدييييييي لهييييه الوالييييدة علاااااش حتى وحدة فيهم ماتسمع كلاااااامي علاااااش، هادييك لي لداااخل غادي تقتلني بمشاكييلها،وهااادي عاارفاااني مانعها من الخرووووج وخدااتها معااااها وماعلمااااتنيييش
براءة كتبكي وشادة فحنكها لي زرااق بالتصرفيق :أهئ أهئ والله أخووووياا قلت لييها لاااا ماتمشيييش معااااايا هي رااسها قااصح
يوسف زادها تصرفيقة مغلغل وشدها من شعرها هبطها نالأرض: علميييييييييني صوووووني ليااااا،ونتييييي علاااااااش غااادية ياااك قلناليك ماتوصلييش لتماااا ياااك شحاال من مرة قال ليك فهد ديييك لبلاصة لاااا علاااش كديييرو غير لي فراسكم
براءة:اااااااااه أهئ أهئ عاااافااااك مااانعاااودش أخووويا سمحليييييي
ذكرى:أهئ أهئ باااراااكااا غاادي تقتلووووني وأنا فيااااا السكااااار،باااراااكا راه وليت كلي كنترعد
فهد غمض عينيه وتنهد وقرب ليه ماباغيش يخسر معااه هاد النهار مقدر أنه مشوي فكبدتو لكن بااش يدير هادشي كلووو لاا
فهد جرو من عليها وهدر بحدة:وااااصااافي أصاااااحبي ماشي غير سكتنااا ليك شوية غاادي تزييد فيه ،لخرى ضربتييها حتى زوييتيها وهادي شبعتي فيها تصرفييق
يوسف عيينيه حووومر:حيييت ماحااااسش بياااااا هااااداااك ولدييي لي مااات، ولديي لي كنت فرحااان بيه وكنسااينو غير يجي لهااد الدنياااا ولدييييييييييي
ذكرى:وااااااوليدي راه مااشي ولد الدنيااااا ، رااه ربييي لي عطاااه ليك وربييي خدااااااه
يوسف:مااااات بقلة الإهتماااااااام ماااااات حيييت هوووما بغاااوه يمووووت ، (شاف فبراءة) وحساااب ليك بوحدكم غاادي تتعاقبو حتى هاااديك لي لداااخل غادي تتعااقب ولكن بطريقة أخرى، ونتيييي قطعيييي علياااا فمرة ،مليييي مامعبراانيش وكلامي زااايد نااقص ضربييي علياااا فمرة
تفتحات الباب دغرفة الفحص وخرجو جارين البيااص وفوقو ليليان مغمضة عينيها وجهها صفر ومغطية بليزار
غير شافوها دارو وتبعوها كيجريو يوسف شاف حالتها تنهد وبقى غادي معاهم وساكت ، ذكرى كتبوس ليها فوجهها كتبكي وفهد بقى وااقف كيشوف فيهم حتى دخلو لغرفة عادية عاد تنهد عقلو مخربق خارج يكمي برا ويرجع يشوف شنو غادي يديرو
