🍒الفصل الثالت:صفاء روحك أذابت فؤادي
♣️الجزء :564
ذكرى بصدمة: فهد شنو كتدير هناا؟؟
فهد بقى واقف مصدوووم ماعرف باش يجاوبها كيشوفهم كلهم كيشوفو فيه بإستغراب ما عدى سحر لي واقفة اللور كتشوف فيه وتضحك
بلقيس: فهد شنوو جابك هناا
صفاء من داخل سمعات صوتهم حطات المانطة لي طوات فالجنب ومشات نالباب غير شافتهم بتاسمات بفرحة
صفاء:خلتوو بلقييس ههه خلتو ذكرى مرحبااا بيكم
بلقيس شاقت فيها بإبتسامة حزينة وجراتها ليها معنقاها :حبيبة دياالي كيف بقيتي ( بعدات كتقلب فيها وفالضربة لي فوجهها) وااش مزيااانة وااش كتضرك هاد الضربة
صفاء حركات راسها بلا :لاا ماتخافييش أخالتو أنا مزيانة
ذكرى جراتها وعنقاتها: حبيبة ديالي كيف بقيتي من لبارح
صفاء تنهدات كتهرب عينيها من يوسف:مزياانة اخلتو
ذكرى:جينا عندك طالبين الضيافة ترحبي بينا ولا نرجعو
صفاء بإبتسامة:مرحبا بييكم أخلتي الله يااودي الدار داركم . دخلوو مرحباا
بلقيس بتاسمات على هاد اللطافة لي فيها ودخلات
ذكرى دخلات ورااها وهي تشوف الميكات ديال التقدية فالارض بتاسمات شافت ففهد حسابليها هادشي علاش جاء عندها، قالت يمكن بقات فيه وبغى يصححو الخطأ ديالو معاها
صفاء:برااءة حبيبة ديالي مرحبا بيك
براءة بتاسمات وسلمات عليها:ترحب بيك الجنة أختي
بلقيس:شديي احبيبة هاد الحلوى
ذكرى مدات ليها حتى هي كرطونة فيها الشكلاط
صفاء شداتهم مبتاسمة: ههه علاش عذبتو راسكم حشوومة
.
بلقيس:لا أبنتي حشومة هي ندخلو بيدينا خاويين وحنا اول مرة نجيو عندك
صفاء:مابيناتنااش أخالتو اصلا نتوما ماشي ضياف الدار داركم
بلقيس باستها من خذها : ربي يحفضلي هاد اللسان لحلووو
صفاء عضات على شنوفتها وبتاسمات بخجل ،وفهد وااقف حاضيها بنص عين وحاضي خدودها لي توردو
بلقيس وذكرى وبراءة دخلو حيدو صبابطهم وجلسو فوق السداري كيشوفو فالبراكة
