🍒الفصل الثالث : صفاء روحكي أذاب فؤادي
الدكتورة شافت فيهم بابتسامة : إكزاكطمون مدام ليليان حاملة فالأسابيع الأولى ديالها مبروك عليكم
يوسف غير سمعها تنهد بفرحة حاس بلي الأرض مسايعاهش، إحساس ف شكل ما كرهش يغوت بالفرحة ماكرهش يعنق أي واحد حداه، ولكن اكتفى انه يشوف ف ليليان ف محبوبتو و عشيقتو شاف فيها بحنان و عينيه مدمعين، حاس براسو ملك الدنيا وما فيها، ملي غادي يجيليه ولد من أكتر وحدة كيبغيها، من بنتووو و حياتو و مرتو من الصهباء الجميلة كيف مسميها ، ليليان غير كتشوف فاهمة ولكن باقا مامستوعباش، باقا ما عارفاش الإحساس د انك تكوني حاملة جاتها بحال الصدمة و هي كتشوف ف يوسف لي بدا كيدمع من شدة الفرحة
ليليان : هاااااء دابا انا غنولي أم، شافت فكرشها لي باقا معريك، دابا أنا عندي شي حاجة لداخل فكرشي و غادي تبقا تكبر تكبر حتا توصل قد هاكاااا ههههه، دابا كايننة شي حاجة لي عتعيش معاياااا وملي غادي تخرج غادي تقولي ماما و تقول ليوسف بابااا،. دابا أناااا( باقا عتكمل حتا حسات بيوسف حضنها بقوة، حضن فيه بزاف د الحب و بزاف د الشكر والإمتنان على الإحساس لي خلاتو يعيش، حاضينها و سامح لدموعو ينزلوو،. تحت أنضار و ابتسامة كل من ذكرى و بلقيس لي غادي يطيرو بالفرحة حتا هما)
ليليان:ههههه يووسف أنا حاااملة عندي بيبي فكرشي نتا قلتي ليا بغيتي بيبي هانا جبتو لييك
يوسف بدأ كيبوي ليها فيديها:كنمووووت عليك أنا شكرا شكرا بزاااف هادي أجمل هدية
الدكتورة:مبرووك عليكم
يوسف:مانقدروش دابا نعرفو جنس الجنين
بلقيس:هههههه مازاال شوية أولدي راه يالاه الأسابيع الأولى
يوسف شاف فليليان ولعب ليها فشعرها: شرفتي البرهوشة شرفتي وغادي تولدي ليا
ذكرى: هههههه وايييه شكون كان يقول ليليان غادي تحمل ماكنتش حتى كنتخيلها
الدكتورة سجلات ليهم شي فيطامينات ومداتها ليه:هادو فيطامينات تاخدهم وبلاما نوصيكم الأكل الصحي ماتتعبش ماتجريش ماتاكلش حاجة صخونة
بلقيس:كوني هانية حنا كلنا معاها غادي نقابلوها
يوسف تحنى وهز ليليان خارج بيها:الواليدة مازالين هنا
بلقيس:غير سير أولدي غادي نجلسو مع أحلام شوية ونمشيو نتقداو من المول لي قريب من هنا
يوسف: مزيان حتى أنا ماغاديش لدار
خرج هزها حتى لطوموبيل حطها بشوية دار ليها السانتير وركب فبلاصتو وكسيرة ببطئ خايف عليها
