🍒الفصل الرابع: كن لي أبا
♣️الجزء :861
صفاء بقات كتشوف فيه وعينيها محلولين من الصدمة قلبها كيضرب وضرها بحالا مازال فيه ثقب الدموع نزلو مين عينها شلاال ولونها صفاار وتبدل لونو شافت فيها بلا ماترمش وتكلمات بصوت متقطع غالب عليه الصدمة
صفاء: ك كيفاش
بلقيس ببكاء كيقطع فالقلب : أه أناا ماماك نتي بنتيييي بنتي ألمااس لي حرموني منها ، بنتي لي غير ولدتها مادوزاتش اسبوع وخطفوها ليا ، بنتي لي عشرييييين سنة وأنا كنقلب عليها ومافقدتش الأمل نلقاها (كتبكي وكتهدر بصوت متقطع) انا هي لي دوزات سنيين بالدوايات والإكتئاب ، انا هي لي تحرمت من عيوون بنتي لمدة عشريين سنة ، انا هي الشبح لي كنت ميتة وفنفس الوقت عايشة ، انا هي مااماك ونتي بنتييي بنتي الماااس
صفاء مافماتش وماستوعبااتش حساب ليها غير كتحلم ، ضرها راسها وشداتها الدوخة هزات يديها وحطاتها على جبهتها ملي رجعات كتشوف الضبابة وفتانية من الزمن كانت طايحة مغيبة
كلهم غوتو ووقفو كيجريو ومنهم فهد لي جاء كيطير هزها من وسطهم
بلقيس ببكاء: بنتييييي بنتييييي غادي تضييع منييي
فهد هزها طالع بيها فدروج عارف ماكين لاش ياخدها نلوبيتال حيت فقدات الوعي حيت تصدمات وصافي
كلهم طلعو وراه كيجريو حتى لبيتو حطها فوق السرير وبدا كيضرب ليها فوجهها
فهد: سحر جيبي ليا البارفان ديالي
سحر دخلات كتجري وبلقيس جلسات قدامها شادة يديها كتبوسها وكتبكي
بلقيس : غلطنااا ماكانش علينا نقولوها ليها داابا ، بنتييي مازاالة مرييضة كاان علييينا نصبرووو
سلمان: الوالييدة غير تهدني هي غير تخلعات ماطاري ليها واالو
بلقيس : وادا رجعاات لغيبووبة
فهد تنهد بعصبية : سحاااار فينك ارااا داك الزبل لهنااا
خرجات سحر كتجري شادة قرعة دالريحة : هانا هانا
مداتها ليه وهو بدورو حيد ليها الغلاقة ولاحها فالأرض رش شوية فيديه وبدأ كيشمو ليها وكلهم دايرين عليها فالسرير دارو عليها حلقة
بدا كيدوز ليها على نيفها صفاء خصرات سيفتها كتستاعد تفيق مع حلات عينيها وشافت الريوس ضارين بيها وكيطلو عليها تخلعات وشدات فقلبها و غوتات بصوت عاالي
صفاء: اعععععععععععع
♣️الجزء :862
