🍒الفصل الثالت:صفاء روحك أذابت فؤادي
♣️الجزء :705
فهد: ماالها اميرتي مصدوومة عجباتك دارك ولا تبدلي ديكورها
صفاء بعدات عليه متوترة :احم كيفاش اميرتي
فهد بتاسم ماباغيش يعتارف ليها خصوصا دابا غادي تقول ليه لاا ماباغاش عطيني التيسااع وهو ماكيرضاش غادي يصدق ضاربها من الأحسن يبقى مبرد حتى يحس بيها حتى هي كتبغيه عاد يتحارب مع كبريائه والأنا ديالو ويحاول يعتارف
فهد: ياك قلت ليك رجعتي بحالك بحال براءة وسحر وحتى هوما امييراتي
صفاء:اممم
فهد طلعها وهبطها عجباتو البيجامة عليها كتبان بحال شي عروسة كيووت وزويينة شعرها مهبلو وطولو محمقو
فهد:شعرك زويين عنداكي تفكري تقطعيه
صفاء حشمات وهبطات عينيها: احم لاا عزيز عليا مانقطعوش
فهد: حتى انا عزيز عليا
صفاء هزات يديها ودارت شعرها وراء وذنيها بخجل: احم بغيت نجمعو ومالقيتش باش
فهد مسحوور ودايب فيها وفجمالها: ماحتاجش تجميع خليه هاكا زويين
صفاء حنحنات و بعدات قالبة الهدرة: احم دارك زوينة بزااف
فهد تابعها بعينيه ومبتاسم ، عينيه غادي ياكلوها: رجعات دارك حتى نتي
صفاء دارت شافت فيه: لا ماشي داري
فهد : اممم لمهم عجباتك مابغيتيش تبدلي فيها شي حاجة
صفاء : احم لاا ماعندي مانبدل اصلا كتهبل
فهد سمع الدقان فالباب قلب غادي يحل: جلسي حتى نرجع ماتخرجيش
صفاء بقات حاضياه بعينيها حتى خرج غير غاب على عينيها بتاسمات وعضات على فمها بخجل
ومشات كلسات فوق الفوتوي شافت فالتلفازة لي قبالتها وحبات تتفرج حتى هي فشي حاجة ، عمرها كانت عندها تلفازة اصلا ماعندهاش الضوء ، قليل فين كتشوف التلفاز فشي بلاصة هزات الريموت من فوق الطبيلة وجلسات فوق الفوطوي ومدات يديها جيهة التلفاز كتكليكي فالريموت على الله تشعل ، الأزرار لي فيها كلهم دازت عليهم بوحدة بوحدة مابغاتش تشعل ليها
دخل فهد لصالون هاز ساشيات فيديه قشعها شادة الريموت فيديها هز حاجبو قرب وحط الماكلة لي جاب ليه الكارد فوق الطبلة وبقى كيشوف فيها مستغرب
فهد:شنو كديري
صفاء شافت فيه كترمش بحال لمشيشة : بغيت نشعل تلفازة ادا ماعندكش مشكل
فهد بتاسم جنب وجلس قدامها وشاف فيها : هاداك ريموت ديال الكليما
صفاء:هاااا
