🍒 الفصل الثاني: إعتذاري منكي لن ينسيكي
بلقيس: حطييها هنا أبنتي..
صفاء بقات كتشوووف فيها. جاتها مألوفة وفحالا سبق ليها شافتها
بلقيس حتى هي بقات حاضياها كتطلع وتهبط فيها شكلها ولبسها لموسخ جمالها واخا مخبية وجهها من تحت الكاسكيط. بلقيس تنهدات وتكلمات بحنان
بلقيس: بنتي حطي الصندوق الأرض راه الثقل على كتفك
صفاء عاد رضات البال أنها طولات فيها فالشوفة توثرات وهبطات راسها حشمانة وخايفة تكون مولات الدار
صفاء: واخا واخا الحاجة فين نحطها
بلقيس بتاسمات من سمية الحاجة أصلا هي بصح حاجة: حيطيها غير هنا . وماتخليهاش فوق كتفك راه تقيلة عليك
صفاء حطاتها وبتاسمات: لااا عادي مولفة نهز كتر من هكا
بلقيس علات حاجبها:بزاااف عليك أبنتي أنا كبيرة ومانقدرش عليها
صفاء:غير الولف وصافي ألالة. ولفت نهز ولا يجيني عاادي
بلقيس: أولا أنا ماشي لالاك. أنا سميتي بلقيس. كملي خدمتك وعيطي ليا واخا
صفاء: هاء ونتي كبيرة حشومة نعيط ليك بسميتك
بلقيس بتاسمات عجباتها بالأذب لي فيها: ماقدرتيش عيطي ليا خاالتي
صفاء بتاسمات: واخا أخالتي
الخدامة: مدام بلقيس. قالت ليك مدام ذكرى سحر ماباغاش تنقش حتى رجليها . أجي قنعيها
بلقيس :واخا هاني جاية. يالاه أحبيبة أنا غادي ندخل حيت عندنا ليوم عرس خاصني نكون حاضرة
صفاء: ربي يخليها ليك والله يكمل عليها بالخير
بلقيس: ش شكون
صفاء: ياك عرس بنتك
بلقيس تنهدات: لا بنت خويا
صفاء: اه الله يكمل عليها بالخير
بلقيس: أمييين
صفاء بتاسمات وخرجات تكمل شغلها. وبلقيس بقات حاضية وقفتها وطولها ومشيتها وهي عاقدة حجبانها. فالأخير تنهدات ودخلات تشوف سحر.
