🍒الفصل الثالث : صفاء روحكي أذاب فؤادي
فهد بإستهزاء: وشهاد الهمجية عرفنااك ماعندكش وفقيرة وهادشي عمرك كنتي تحلمي بيه . عايشة غير بأتاي وخبز حرفي لكن مادامك فهاد الدار حترامي وجودك فيها وكولى بأذب ماشي فحالا جايا من الزريبة طلعتي ليا قلبي
صفاء تحشمات كتلعن راسها شداها تاكل هكا كتقول مع بالها بصح كنبان فحال الهمجية شافت فيه ببراءة
صفاء:لاا سمح ليا أخويا ماقصدتش . غير والله ماعرفت كيفاش ناكلع
فهد تنهد بعصبية و تقلب جيهة البريسة كيصيب فنجان قهوة مابغاش يجيه النعاس قال يجلس يكمي شوية فالجردة . عاطيها بضهرو قال يحالول يقلقلها ويخرج منها شوية دالهضرة
فهد: أحم . علاش ماقلتي لسلمان واالو
صفاء كانت حايرة غير فالبيتزا كيفاش تقطعها حشمانة تقولو عطيني الموس . غير سمعت كلامو علات راسها شافت فيه
صفاء: نعاام !!
فهد تنهد بقلة صبر دار وشاف فيها بتخنزيرة أصلا هو ديما مخنزر:علااش مقلتيلوش أنا لي قتلك سيري مانشوفكش كتدوري هنا
صفاء صرطات ريقها وتنهدات كتشوف فيه: يمكن حيت ماعزيزش عليا المشاكل . وزيد ديما كنفكر بمنطقية مكنخدمش العاطفة فمرة
فهد قرن حاجبو كيشوف فيها ومامزحزحش عينو عليها
نضراتو كيوترو الرجال عاد صفاء
فهد: وشنو تفكيرك المنطقي فهدرتي
صفاء: فكرت أنك عندك الحق تفكر فسمعة داركم وسميتكم ونتوما مشاء الله ناس معروفين. وأنا جالسة بهاد الحالة قدام الناس. ااه عندك يقوليك راسك أنا غادي نتحرج من هدرتك حيت لبسي موسخ. لاا بلعكس أنا هكا ومفتاخرا براسي . وهدرتك ماجرحاتنيش جاتني عادية فقط حلات ليا عيني وأنني حشومة نجلس قدام الناس بهاد اللبس (بتاسمات) وعرافتك حتى نتا ماقلتيش ليا هاد الكلام باش تحرجني . قلتيه حيت فكرتي بعقلانية وشفتي فين كاين مصلاحتكم وهادشي ماكيعصب حد
فهد بقا ساكت شوية بتاسم جنب.: قولي الصراحة شكون صيفطك لهنا
صفاء بقات كتشوف فيه مستغربة: مافهمتش
فهد خنزر وتكلم بحدة :ماتجاوبينيش وتقولي صيفطني الشاف نهز عندكم الصنادق . حيت روايتك مكشووفة الأولى وقفات الطموبيل صدفة وتلاقينا صدفة. وبالصدفة طلعتي نتي ميكانيسيان ودابا تاني بصدفة زدقتي حمالة فالمارشي وجبتي السلعة لدارنا بالصدفة
صفاء وقفات متوترة كتشوف فيه كيخنزر فيها وكيهدر بالغوات خلعها: مافهمتش شنو كتقصد وأنا كيفاش غادي نعرفكم . والله مافهمتك
فهد بتاسم جنب مغدد : ههه كاين جوووج إحتمااالات . يااا شاريك شي حد بااش تدخلي لهاد الداار . يااا طمااعة وكتقلبي كيفاش تضربي ضربتك هادشي علاش تقربتي من سلمان و كل مرة تهدري مع وحدة فالحفل. ودابا كتقربي من عمتي
صفاء كتشوف فيه بصدمة عينيها دمعو حركات ليه راسها بلا
صفاء: لا أنا ماكانعرف حد ومابغيت منكم والو لا فلوس لا والو
فهد قرب منها ووقف قدامها
فهد تحت سنانو : أمتالك كنعرفهم مزيان. تقدري تضحكي على العائلة كلها إلا أنا ماغاديش تضحكي عليا . عارفك طماعة واخا كتديري فيها عزة نفسي
صفاء مسحات دمعة كانت قدام عينيها وعلات راسها شافت فيه: إذا ماكتعرفنيش مزيان، أنا تقربت منكم حيت عزاز عليا. واخا نعرف نبقا حياتي كلها كنهز الصنادق فوق ضهري فالمارشي ، مانشد من عندكم درهم
