🍒الفصل الثاني :صفاء روحكي أذاب فؤادي
بلقيس: اه ادا كتعرفيه من صغرك خاسك تحتارميه وإدا كان ضاروري تمشي يوصلك سلمان
صفاء:بلا مايتعدب غادي نشد طاكسي
سلمان:كووولي كوولي حيت بانليا طلعاات ليك السخانة وغادي نمرمق ممك
صفاء هبطات عينيها لطبسيل كتاكل بصمت وفهد معصب غير بووحدو
مراد :أحم احم بما أننا مجموعين بغيت نهدر معاكم فموضوع
عصام:الواليد ياك لاباس
مراد: لاباس أولدي الأمر ماكيخصنيش أنا كيخص براءة
عصام بتاسم حيت عارف الخبر
براءة كانت كتاكل سمعات سميتها هزات راسها
مراد:كمال قااد أموورو كلهم وبغا يجي يخطبها رسمي وبما أن عرس سحر وعصام دااز،إذن ماكاين لاش نعطلوه،السبت الجاي غادي تكون الخطوبة ديالها
ذكرى بفرحة:ههههه الحمد لله وأخييرا هاد الدار ولينا كنفرحو فيها ليليان ويوسف تصالحو وعصام وسحر رجعو لبعضياتهم ودابا بنتي غادي تتزوج
مراد:يااك أبنتي متأكدة من قرارك
أكرم بضحكة:موااافقة المسخووطة شووفو الفرحة غادي تخرج ليها من عيينها
الكل :ههههههههه
بلقيس:مبرووووك حبيبتي
براءة خدودها حومر:الله يبارك فيك أعمتو
مراد:بغيت غير نوصيكم كمال ولد درويييش ومكاينش بحالو لكن مسكين ماعندوش واليديه وتربا غير فالميتم نهار غادي يجي غادي يكون بوحدو،مابغيتش شيحد يحسسو بالنقص
ذكرى:لاا أوييلي ماكاينش لي غادي يجبد الموضوع دالعائلة يجي مرحبا بيه نفرحو بيه أصلا غادي يولي ولدنا دابا
مراد:الله يزيدك بعقلك
ذكرى بتاسمات: أميين
مراد تنهد:والله يهدييك
ذكرى خنزراات: كييفاااش
مراد بتاسم :وااالو المرضية غير كنضحك
أكرم:بما أن براءة غادي تتخطب حتى أنا بغيت نتخطب
بلقيس:وشكون غادي تجي تخطبك أوليدي
الكل :ههههههههه
أكرم:رااه أنا لي نااوي نمشي نخطبها الواليدة
ياسين:إييه وشكوون هاد المصوونة
أكرم: نسرين بنت أحمد الرافيعي
بلقيس بتاسمات:الناس الله يعمرها داار
سلمان خنزر ولكن ماهدرش
أكرم:أه الواليدة الناس مزياانين وحتى هي بنت الناس
ياسين :كنتي كتعرفها
أكرم:اممم
بلقيس: ولكن لااا ما غاديش تتزوج نتا حتى يتزوج سلمان
أكرم:كيفااش تاني هو ماباغيش يتزوج أنا نبقى بااير
الكل: هههههههههههه
بلقيس: ههههه واش نتا مصطي
أكرم :وااش كذبت راه عندو 28 عام ومابغاش يتزوج
سلمان بتاسم جنب:بقى ليا غير الزواج وحريق الرأس
أكرم: وهاااااا هو بحالو بحاال فهد ماكيفكروش فالزواج وأنا الشتاء جايا وكيجيني البرد
الكل:هههههههههه
فهد بعصبية:جمع فممممك ولا نوض نريب لييك سناانك هناااا
أكرم:لااش أخويا غير كنضحك
فهد :الضحك فييه وفيييه وزن كلااامك وعرف راسك شنو كتقوول ملي يكونو قدامك البنات
