🍒الفصل الثالث : صفاء روحكي أذاب فؤادي
طلعات صفاء كتمشى يخطوات بطيئة متوترة وحشمانة منو حيت طالع وراها وأكيد كيشوف فسروالها وصلات لراس الدروج ووقفات مهبطة راسها فالأرض فهد وصل عندها ووقف
فهد:ماالك
صفاء شافت فيه حشمانة : فين غادي نمشي شمن بيت
فهد :بيتي
صفاء كتلعب فصبعانها:ولكن
فهد تمشى ماداهاش فيها:تبعييييني
غير مشى طلعت فيه راسها كيفاش كيتمشى بشمووخ راسو الفوق والبنية ديالو قوية بزاااف كيباان قوي وعندو الهبة طلعاتو وهبطاتو بعينيها تنهدات وتبعاتو .
وصلو حتى نالبيت وحل الباب ودخل وقف كيساينها تتبعو ، هي وصلات نالباب ووقفات متوترة حشماانة من هاد الموقف دااخلة لبيتو تبدل بوولها،واخا راه فاقت قبيلة لقات راسها ناعسة فيه لكن ماشي كيف كيف الموقف مختالف
فهد:غاااادي نبااتو هنااااا
صفاء عضات على فمها ودخلات ، غير دخلات شد وراها الباب ديال البيت وبقى واقف وراها كيشوفها كيفااش كتتفحص فالبيت قبيلة واخا فاقت فيه ماشافتوش مزياان ،كيباان كبييير وزوييين الأثاث ديالو رااقيين باين مولاهم عندو دوق عاالي أغلب الديكورات فالأسود منهم الأريكات لي محطوطين فالقنت حداهم طبيلة دالزاج والسرير كبيير فالوسط فيه كوفرلي فالرمادي
فهد:كملتييي تبركييكك يالاه دخلي لحماام تدوشي
صفاء دارت عندو وجهها حمر كل مرة كيقمعها شخصيتو غريبة عصبي وقماااع ودغيا كتدور ليه فالخوا وماكيتحكمش فأعصابو وفيديه وأي حاجة عصبااتو يقولها ليك فوجهك ماينافقكش ماكيهتمش نالأحاسيس ومشاعر دبنادم
صفاء:لا مابرككتش غي عجبني (بتاسمات) بيتك زوين بزاااف مشاء الله
فهد: ممم عجبك
صفاء حركات راسها:زوين كيحمق
فهد علا حاجبو:جي سكني فيه
صفاء شافت فيه :عنداك يحسابلك تاني أنا غايرة منك غير عجبني ماشي حسدتك
فهد تنهد وتمشى جيهة الحمام: تحركي تحركي حيت غادي تزيدي شوية غادي نلصقك مع شي حييط مانعقلش عليك .(وقف فالباب دالحمام كيشوف فيها بتخنزييرة ) أتحركيييييي مالكي غادي تحرقي ليا دمييييي
صفاء بتوتر:و و ضاروري ندوش
فهد هبط عينو لسروالها وشاف فيها: وماحشمتيييش مازاالة كتسولي باايلة وعاجبك بولك ولفتييه
