🍒الفصل الرابع: كن لي أبا
♣️الجزء :904
ياسين: ونتا خطبتيها بعدا باش تهدر على الزواج ؟
صفاء هبطات عينيها لأرض خجلانة
فهد: باش نكون صريح معاكم انا هادشي ديال خطب عاد دير العقد عاد دير العرس ماعنديش معاه
سلمان بعصبية: عندك مع الحماالة نيييشان
صفاء هزات راسها فيه بسرعة مافاهماش شنو قال ،وفهد قلب راسو وتنهد
ياسين مخنزر: شنووو كتقول نتا ،اييه حنا عائلة متفتحة لكن ماشي أي حااجة تقولوها قدااامنا
بلقيس: اوييلي اسلمان كنعرفك بعقلك شنو هاد الهدرة
سلمان بقى كيشوف ففهد مخنزر: انا كنقول لي كاين ولي كلكم خاصكم تعرفوه حيت هادشي ماكيتخباش وغادي يتعرف غادي يتعرف
فهد هز يديه دوزها على جبهتو صفاء غير كتشوف مافاهماش
مراد: شنو طاري ، شنو خاصنا نعرفو
فهد حنحن:احم ماشي شي حاجة مهمة
سلمان قاطعو: مهمة مادام كتخص بنتهم اذن مهمة ، كلشي خاصو يعرف هادشي باش نتحركو دغية بلا مانضيعو الوقت
صفاء تخلعات حساب ليها مازالة مريضة ولا قلبها فيه شي حاجة
بلقيس حطات يديها على قلبها: ااااش طاري الله يسمعنا خبار الخير
ياسين : شنوو كاين
سلمان: الأمر كيخص صفاء وفهد
ذكرى: مااالهم نطق شطنتينا
سلمان : احم صفاء حاملة من فهد
كلهم حلو فمهم بصدمة وشافو فصفاء لي ماكرهاتش تنشق الأرض وتبلعها ، وجهها حماار مصدووومة وحشمااانة كأنها بصح حاملة ، ماكرهاتش تنوض تهرب
ياسين بصراخ: شنووووو كتخربق علياااا نتا
سلمان : كنقول لي كااين هي دابا حااملة منو والخبر غادي يتعرف غادي يتعرف على هاكا خاصكم تزوجوهم دغية
فهد كيشوف فصفاء وجهها بحال ماطيشة وعينيها محلوولين من الصدمة ماكتحركش ، هو معصب و جابتليه الضحكة بمنضرها
أبرار جالس فوق رجل سلمان ومتكية فوق صدرو فيها النعاس : دابا صفاء غادي تجيب لينا بيبي حتى انا بغيت بيبي
