🍒الفصل الثاني :صفاء روحك أذابت فؤادي
صفاء:حتى أنا أخالتو خاصني نمشي
بلقيس:واكملي عشااك أبنتي
صفاء بإبتسامة: لاا صافي أخالتي الله يخلف وأنا باغية نوض بكري
بلقيس بتاسمات ليها وتنهدات :واخا أحبيبتي لي بغيتي واخا ماكرهتكش تبقااي معانا وحتى ديك الخدمة صعيبة عليك
صفاء تنهدات:ولااافتها أخالتو مابقاتش كتجيني صعيبة وقفات ملي حسات براسها عياانة خاسها تمشي لدارها ترتاح
بلقيس حتى هي وقفات مبتاسمة وقرابات عنقاتها:عرفتي شحاال وليتي عزييزة عليا وكنفرح ملي كنشوفك
صفاء شافت فيها بحب:حتى نتي وليتي عزييزة عليا بزاااف وأول مرة نحس هااد الإحسااس بلي شي وحدة قرييبة ليا هاكا حسييت بحبك ليا ،بغيت نقوليك حتى أنا كنبغيك بزاااف (عينيها دمعو) من نهار واليديا مااتو مالقيتش الحناان منغير أشرف ومنكم وخصوصا نتي ، غير كلامك كيريحني وكيفرحني قلبي كيولي يضرب (شافت فيها بعينين مدمعين وتمتماات) كنحس بييك بحال ماما
بلقيس غير سمعات كلامها جراتها بقوة لصدرها وبدات كتبكي: حتى أنا أهئ أهئ حتى أنا ربي لي عاالم شحاال بغييتك وشنو كنحس من جيهتك تمنيتك تبقااي قدام عيني على طوول ،تمنيتك تكوني نتي ..احم عرفتي شنوو ماغاديش ننساك وماغاديش نخليك ، بغيتك دييما تجي لعندي ونبقاو نخرجو أنا ويااك
صفاء بتاسمات:إنشاء الله أخالتو لوقت لي كنت مساالية غادي نجي
بلقيس دوزات يديها على خدها:تهلاي فراسك و الوقت لي حتاجيتيني فيه أنا موجودة ماتحشميش مني أنا بحال احم ماماك حسبيني ماماك ولي تقالت علييك خفافت عليا ،وإدا كان عندك أي مشكل جي عندي إدا كان خاسك معامن تهدري أنا كاينة فأي لحضة ماتردديش
صفاء هبطات دمعة من عينيها وشافت فيهم كلهم:شكرا ليكم بزااف مدة طوييلة ماحسيت بهاد اللمة والجماعة ديال الأسرة ولا يمكن عمرني حسيتها حيت واخا كانت ماما عايشة كانت ديما خدامة وأنا بوحدي فدار ،أيام قليلة لي جمعاتني بيكم وحسيت بفرق كبيير فحياتي ،شكرا ليكم حيت عطيتوني فرصة نتقرب منكم ونجلس معااكم
ذكرى قربات ليها مبتاسمة وعنقاتها:بالعكس أحبيبة ماعندك لااش تشكرينا باب دارنا مفتوحة لييك فأي وقت نتي دابا وليتي قريبة لينا وماشي برانية
مراد: بنتي الحياة الصعييبة والضغوطاات كتيرة ، أنا جلت فالدنيا وعندي خبرة كبييرة فهاد الحياة وكنعرف نميز بنادم، كووني قويية ماتستسلمييش عمرك ترفعي الراية البيضة
صفاء حركات راسها:عمرني نرفعها حتر نهار اح.. حتى نهار نمووووت
بليقيس:شوووو برا والباس علييك ماتهردريش على المووت أبنتي
صفاء :كلنا غانمووتو أخالتو وخاسنا كل مرة نجبدوها باش نتفكروها
بلقيس:لااا لا ملي تكوني معاايا ماتعاوديش تذكرى المووت
صفاء تنهدات كتقول مع بالها، الموت هي الحاجة الوحيدة لي كل مرة كتدور بيا ، الموت هي الحاجة الوحيدة لي كنساينها كل ليلة تجي
صفاء: واخا أخالتو مانعاودش
بلقيس باستها من خدها وشافت فسلمان: نووض الله يرضي عليك وصلها
سلمان: هي الأولى علاش شكون عندي منغيرها
صفاء بتاسمات وتمشات معاه جيهة الطوموبيل مع غادي تعلي عينيها وهي تشوف فهد واقف فالبالكون شاد السجارة فيديه وكيشوف فيها بنضرات غاامضة ، بسرعة هبطات عينيها وتبعات سلمان حتى لطوموبيل ركبات قدامو نطالقو خارجين من القصر ، وعينين فهد حاضيين الطموبيلو حتى خرجات وغابت عليه
