🍒الفصل الرابع: كن لي أبا
♣️الجزء :805
فهد:العباية مفتوحة من النص فيها سلسلة من لفوق لتحت ومعاها الشال ديالها، غير لبسيها راني ضارب لحساب لكلشي
ذكرى تنهدات من غيرتو ومشات تلبسها
فهد خرج برا ووقف غير شاف سلمان جاي باغي يدخل دفع الباب وسدها قدام وجهو خلاه غير كيشوف
سلمان:وااش نتا مرييض
فهد هز حاجبو:ماعندك ماتدير لداخل ،صبر حتى تلبس ليها حجابها
سلمان تنهد هز يديه ودوزها على وجهو و بتاسم : عرفتي غادي نصبر حتى نعرف النتيجة ديال التحاليل حيت مازال مامتيق واش هادشي بصح ولا لا واخا صفاء بلا حتى حاجة كنعتابرها ختي وكنخاف عليها ،لكن ادا كانت فريي كانت ختي ودمها فدمي( بتاسم) غادي تشوف وجه أخر
فهد ميل فمو بإستهزاء: اممممم واخا وأنا حتى نعرفها بعدا واش ختك عاد نقرر واش نخليك تقرب ليها ولا لا
سلمان ضحك:هههه زعمة تكون ختي وتمنعني عليها
فهد حرك راسو بلا : تو تو عيب تقول هاد الكلام نمنعها علييك لااا نمنعها علييييييكم ماشي عليك
سلمان خنزر وعطاه بضهرو
بعد نصف ساعة دخل ياسين كيلهت وكيقلب شاف فهد وسلمان واقفين فباب دلاشومبر مشى كيجري عندهم
ياسين: سلماان شنو طاري مالها ماماك
سلمان سكت ماعرف شنو يقول ليه
سلمان قاطعو : الواليد كاين شي حاجة ضاروري خاصك تعرفها
ياسين: شنووو طاري كيفاش هضرو
سلمان : صفاء البنت لي كتجي عندنا صاابر
ياسين: ماالها
سلمان تنهد: تقدر تكون ختى ألماس
ياسين بقى وااقف مشوكي حساب ليه ماسمعش
مزياان: ش شنوو
فهد : مراتي
سلمان تنهد بعصبية وقلب عينيه
ياسين شاف فيه وهز حاجبو : مافهمتش
فهد:مراتي تقدر تكون بنتك
ياسين: شنو كتخربق عليا حتى نتاااااااااا واش تسطيييتو
