🍒 الفصل الثاني: إعتذاري منكي لن ينسيكي
بعد أسبوع. يوم حفل القران ديال سحر وعصام
القصر نايضة فيه الروينة كلشي واقف كلشي كيجري خصوصا الحفل غادي يكون كبير نوعا ما . وغادي يحضرو فيه شخصيات مرموقة وأصدقائهم
حلات حينيها كتأفأف من صوت الضجيج لي جاي من البالكون لي خلاتو مفتوح لبارح . حلات واحد العين وكتحك العين التانية ومدات يديها لساعة لي قدامها لقاتها كتشير ل التاسعة تنهدات وجلسات حلات المجر وجبدات باكية السجائر وبريكة يالاه دارتو ففمها وغادي تشعلو وهي تسمع الدقان. بالزربة خشات الكارو والبريكة من تحت ليزار وعطات الإذن بالدخول.
غير سمع صوتها قالت دخل حل الباب وزاد داخل بخطاويه الواتقة . هي غير شافتو بتاسمات وجبدات السجارة ديالها باش تشعلها
سحر وهي كتشعل الكارو ففمها وكتهدر: هووووف خلعتيني
سلمان شاف فيها مبتاسم: هههههه حسابليك زوجك المصوون
سحر: حسابليا ماما ذكرى. أما هداك منحيرش فيه كنكمي قدامو
سلمان: غير كاتقولي وهاني غادي نشوف واش غادي تبقا هاد الزعامة من ورا الزواج. الالة العروسة
سحر خنزرات: أولا ماتقولش ليا هاد لالة العروسة وهاد المصطلحات ماكيتماشاوش مع شخصيتي
سلمان : إدا عاقلة واحد النهار قلتي ليا واحد الجملة وبقيت عاقل عليها اذا كان الكون وكيدور والفصول وكتغير وبعد الليل كيطلع النهار شكون انا باش مانتبدلش. بغيت نكررها ليك باش تعرفي كلشي عندو أهلية باش يتغير. ماشي غير تمكنات منك هاد الشخصية لمدة خمسة السنين فغادي تعيش معاك على طووول
سحر نفخات الدخان وضحكاات: ههههه عرفتي كنتخايل أنا رجعت سحر دالماضى. وكنبكي إدا غوت عليا عصاام. ويبزز عليا ناكل وأنا من الخوف ناكلو واخا ماباغاهش. هههه
سلمان: نقول ليك بصراحة هادشي لي كديري فراسك ماخدامش ونفسك ماتستاهلش تعاقبيها بهاد الشكل
سحر علا حاجبها: نعااقبها
سلمان: اه نتي ماشي غير كتهربي من الماضي نتي كتعاقبي نفسك
سحر وقفات وتمشاو جيهة الكوزينة لي جات فالجناح ديالها ووقفات سحر كتصايب القهوة فالبريصة
سحر: غير كنبان ليك أنا عاجبني حالي هكا وماكنعاقب لا نفسي ولا غيري
سلمان: عرفتي شنو جعلني نقول ليك هاد الكلام
سحر هزات كيسان من بعد ماكباتهم ومدات ليه واحد عامر بالقهوة
سحر: شنو
سلمان: صفااء ولا نقول ليك صابر
