🍒الفصل الثالث : صفاء روحكي أذاب فؤادي
عند فهد لي بعد دقائق من الإنتذار سمع صوت الباب كيتدق ناض قارن حجبانو حل الباب بانت ليه الخدامة ووراها واقف الدكتور هاز الحقيبة ديالو
فهد:دخل
الدكتور علا عينو فيه ودخل وفهد شاف فالخدامة
فهد:الواليدة وعمتي فينهم
الخدامة كتقفقف:بااقين فالجردة اللور وحتى براءة معااهم قالت ليا نمشي نعيط على صابر تمشي لعندهم
فهد: ماشافوش الطبييب
الخدامة :لا أسيدي ماشافوهش
فهد:إدا سولوك عليها قولي ليهم دخلات البيت ونعساات
الخدامة :واخا أسيدي
فهد قلب عينيه ودخل وسد الباب لقى الطبيب مازال واقف
فهد: عياانة وحاالتها ماعجباتنيش وطاحت قبييلة فحصها
الدكتور : واخا أسي فهد قرب ليها وجبد الضوء باش يحل ليها عينيها ويشوف وهو يوقفو بكلامو
فهد: بلا ماديرو هي غير ناعسة ماغايبااش
الدكتور تنهد وحرك راسو وجبد الصناتات ديال القلب قرب ليها باش يهبط السلسلة ديال السورفيت وهو يوقفو تاني
فهد بحدة: ماتهبطهاااااااااش
الدكتور: راه خاصني نسمع الدقات دقلبها
فهد: حطها من الفوق أصلا التوب خفيف
الدكتور: لكن
فهد:هدرتييي قلتهااااا
الدكتور تنهد وحط الصناتة فوق السورفيط ودارهم فوذنيه كيتصنت وكل مرة كيحرك الصناتة لجيهة كيحاول يتأكد
فهد علا حاجبو:ماااااالك
الطبيب:ماعرفتش شيحااجة ماشي طبيعية
فهد:كييفااش
الطبيب: قلبها كيضرب بسرعة وبقوة كبييرة بحالا كتجري وهادشي مايمكنش حيت هي ناعسة الضربات ديال القلب خاصهم يكونو منتاضمين وزيد هادشي من فوق حوايجها
فهد:شنوو كتقصد
الطبيب: ماعرفتش لكن هادشي خاصو الأشعة على القلب باش نعرف شنو السبب
فهد:يقدر يكوون الإجهااد والتعب حيت كتخدم خدامي صعااب
الطبيب:ماعرفتش ممكن أه وممكن لا خاص ضاروري الأشعة باش نتأكدو ،واش هي مريضة بشي مرض مزمن
فهد بقا كيفكر: عندها الضيق فالتنفس مرة مرة كتضيق
الطبيب:وعندها الرابوز
فهد تنهد :مممم
الطبيب:الرابوز ماخصوش يخطاها حيت يقدر فأي لحضة تجيها الحالة ديما خاصها تكون هازاه
فهد:امممم شنو تاني
الطبيب:وجهها بان ليا صفر شوية وزيد تحت عينها زورق ،يمكن فيها فقر الدم خاص تدير التحاليل
فهد: كتب داكشي لي خاص تدير فورقة
الطبيب حرك راسو بأه وجبد الورقة سجل التحاليل وورقة تانية سجل فيها الأشعة ومدها ليه
فهد شد الورقة وجبد من جيمو رزمة ديال الفلوس ماحسبهومش ومدهم ليه ، الدكتور شدهم وبتاسم وهز المحفضة ديالو وخرج وسد الباب
فهد حط الورقة فوق واحد الطبيلة و قرب عند صفاء وجلس قدام راسها بقا جااالس ومرة مرة بدون شعور يقلب عينيه يشوف فيها حاضي جمييع تفاصيلها و حركات وجهها، وهي لي كانت ناعسة بعمق التعب والمرض غلبو عليها حتى مابقااتش حاسة بشنو داير قدامها ولا بالطبيب لي جاء وكشف عليها
فهد كان حاضيها حتى كيشوفها تقلبات ودارت يديها فوق رجليه وضماتو لعندها يحساب ليها مخدتها حل عينيه بصدمة على حركتها وبلا مايشعر خرجات ليه إبتسامة صغيرة ففمو ومد يديه وبدأ كيلعب ليها فخصلات شعرها الناعمين بحناان ، هي إستحلات حركاتو فراسها وبدأت كتتنخشش فيه وتحك نويفها فرجليه وهو غير كيشوف فيها مبتاسم وكيتنهد ماحاسش براسو شنو كيدير
#يتبع
🍂حبييباتي أرائكم وتوقعاتكم فأجزاء اليوم . شنو كتضنو حقيقة مرض صفاء قربت تباان.؟؟
وكيف جاتكم العلاقة الجديدة لي غادي تولي بين سحر وعصاام ؟؟
ماتنساوش ترونوها إشهارات باش البنات يزعمو على القصة
كنحبكم يا أحلى قارئات 😘😘
