🍒الفصل الثالث : صفاء روحكي أذاب فؤادي
فهد حل عينيه بصدمة كيشوف فيها :نعاااام
صفاء وقفات كلها كتقطر وديك السورفيت كبيرة عليها وزادت تدلات ولات ككتبان فحال الشكارة فوقها
صفاء بخجل:دابا حيت أنا مكانلبسش لبس البنات
فهد طلعها وهبطها بإستهزاء:اممم باين
صفاء :احم أه دابا أما حشمت نخرج هكا ويشوفوني . حشومة مانقدرش ليلة نعست هنا درت الشوهة، زعمة إدا جات على خاطرك سلفي شي سورفيت غادي نمشي لدار نصبنها ونردها ليك إدااا كاان ممكن
فهد بقا غير كيتصنت ليها قارن حجبانو ملي كملات كلامها بتاسم
فهد:لاااا ماشي ممكن
صفاء حكات حاجبها بخجل ورجعات حمرة
فهد:حواايجي غاليين ماكانبغيش يتكرفصو
صفاء حنحنات وصرطات ريقها بالعة معاه القمعة و الحشمة شافت فيه لقاتو كيشوف فيها وكيطلع ويهبط بإستهزاء عينيها غرغرو نفسها كتقول ليها فهاد المواقف كيبكيو الناس أ صفاء كيتحرجو ماخسوش يحشمك هاكا و لكن عقلها كيقول ليها الأمر ماكيستاهلش تفااادااي الصدااع وأي حاجة ممكن تتطور لمشكل هربي منها ماتبكيش ماتخليش هادشي يضعفك نتي صادفتي بزاااف دالمواقف كتاار من هادو
صفاء بتاسمات بقهر وصرطات ريقها بالعة مر كلامو فقلبها :منحقك أخويا
فهد دار وخرج مكمل طريقو غير مبالي بقلب بريئة كل مرة كيجرحها ويسممها بكلامو . ماعارفش أنه كيزيد الطين بله وأنها كتعااني بمافيه الكفااية وصااامدة باش تخلي هاد القلب كيضرب أكتر وقت ممكن ماعارفش أن كلامو الجارح كيدخول ويضرب وسط أعماااق قلبها ماعارفش أن عندها ثقب كل مرة كتعرض لصدمة ولا لأزمة كيزيد يتضهور ويتمدد. ماعارفش أن هاد الطفلة أصلا قصااااات عليها الحياة بما فيه الكفاية محتاجة لي يفرحها ويحن عليها وهي فلحضاتها الأخيرة وقلبها كيحتاضر
كلنا كنعرفو أن لكل فعل ردة فعل لكن فهد غاالط لأنه كيدير ردة فعل لغير فاعل .
ولو كان يعرف حجم الأذى لي كيأذيها بكلامو وإحتقارو ولو كان يعرف أن هاد الملاك أطهر وأسمى من أنها تتعرض لهاد التجريح . ولو كان يعطي فرصة لعينيه يشوفو جمالها الداخلي ومايحكمش عليها من ضروفها ولبسها كان غادي يخجل من نفسو ويقتل نفسو قبل ما يجرحها بحرف واحد
فهد خرج وصفاء بقات واقفة قدام المراية كتشوف فراسها وفحالتها عينيها دمعو كتتقولومع بالها بصح أنا ماشي من مستواهم شنو كاندير هنا ماكانلبس بحالهم ماكانفهم لعيشتهم شافت فالأرض لي كلها غيص وبتاسمات ورجات شافت فالمراية كلها كتقطر مدات يديها لفوطة لي معلقة لقاتها بيضة هزاتها بغات تنشف بيها حالتها وهي توقف يديها مبعدة هاد الفكرة من بالها الفوطة بيضة خافت لا توسخها ليهم رجعاتها دغيا لبلاصتها قبل مايشوفها شي حد تاني ويغوت عليها
عصرات حوايجها مزياان بيديها لكن والو باقين كيقطارو ماتقدرش تخرج هكا الأرض كلها غادي تفزكها وزيد الماء مسخ بالطين غادي تتحشم معاهم . بدات كتقلب فالحمام لقات فبابو جفاف واخا غير جفاف كيبان كيشعل بتاسمات بفرحة هزاتو وبدات كتمسح وتنشف بيه حوايجها
هادشي كلو داز تحت أنضار فهد لي كان مازال واقف فالبيت هاز فيديه الرابوز لي كان فلت ليها من الجيم ديال السورفيت يالاه كان راجع يسولها واش ديالها ولا دشي حد من عائلتو وهو مافراسوش مريض. حتى كيتفاجئ بيها هزات الفوطة وبالزربة رضاتها لبلاصتها خايفة تتوسخ ليها وهزات الجفاف من الأرض وبدات كتمسح بيه حوايجها.
عض على عشنايفو وزير على يديه حتى تهرس الرابوز بين يديه هبط عينيه شافو تقسم دارو فجيمو وخرج بحالو . ماباغيش يضعاف و ماباغيش يحن
