🍒الفصل الرابع: كن لي أبا
♣️الجزء :931
فالجهة التانية من القصر ،دخل كيتسلت ماباغي يشوفو حد ولا يقوليه علاش جيتي فهاد الليل ، نهار كلو وهو جالس بووحد مصدوم ماعارفش كيفاش يتصرف عيااا كيحاول يتذكر كيجيو ليه فراسو غير لقطات من العلاقة لي كانت بيناتهم
مابقاش قادر يبقى فالدار دالجبل فحالا ماطرا واالو ضاروري يواجه
دخل نالقصر كيتسلت الكارد وحدهم لي شافوه ، طلع فدالدروج وهو كيدور عنداك يكون كاين شي حد ،
وصل لبيتها ودق وبقى كيساين يشوف واش ناعسة ، ماجاوباتش لكن الغريب أن الضوء شاعل داخل ، حل الباب ودخل ، مع دخل مع لقاها جاالسة فوق السرير دايرة راسها وسط رجليها
غسر سمعات الباب تحل علات راسها وشافت فيه والدموع فعينها
أكرم تنهد بقهر وسد الباب ودخل جر الكرسي وجلس قدامها متوتر عينيه فالأرض وشاد يديه عند بعضهم
أكرم: ماعرفتش كيفاش نبدا . ولا شنو نقول، مهما حكيت ومهما عتاذرت ماغاديش يكفي وكلامي ماغاديش يصحح الخطأ ديالي، نتي بمتابة ختي وطول عمري كنت معتبرك ختي الصغيرة وكنت حاطك فبلاصة ألماس ، ونهار كنتي كتحتاجيني كتلقايني فجنبك حيت بصح معزتك خاااصة عندي
براءة غير كتبكي
أكرم : عمري ضنيت غادي تطرا شي حاجة بيناتنا والله العضيم داكشي لي طرا ماحسيت بيه ، عاقل غير اللحضة لي قلت ليك طلعي لبيت ونعسي من وراها ماعرفتش شنو طرا
ماكانقولش ملامي باش تسامحيني حيت انا مستحيل نسامح نفسي ، وخجلااان بزااف من راسي، انا كنقول هاكا غير باش تعرفي هادشي طرا من فووق خاطري ماقاصدوش
براءة تمتمات ببكاء: عاارفة
أكرم علا راسو فيها: كيفاش واش عاقلة شنو طراا
براءة كتبكي وكتحرك راسها بلا : ماعاقلاش منغير لقطات قلال لي كيبينو أنك ماغتا•صبتينيش
اكرم تنهد وحط راسو على يديه
براءة ببكاء : كنعرفك مزياان أ أكرم وعارفاك مستحيل تأذيني ولا تفكر تقرب ليا، وهادشي لي طرا كان غلط ديالنا بجوج ، حتى انا ماكانش عليا نسكر
أكرم : كيف قلتي الغلط ديالنا بجوج وخاصنا نصلوه بجوج
براءة حركات راسها بلا: الغلط ماغاديش يتصحح صافي لي وقع وقع
