🍒 الفصل الثاني: إعتذاري منكي لن ينسيكي
يوسف قرب ليها بزربة وجرها من كتفها حتى وقفات وهزها بين يديه كيشوف فعويناتها لي كيبريو
يوسف: كلمة حبيبي شفعات ليك. وبردات النار لي كانت شاعلة فقلبي. قال هاد الكلام وتلااح على فمها كيبوس فيها ويعضعض مابعد عليها حتى خلاها كتلهت.
بعد عليها كيشوف فعينيها لي كيبريو بالدموع كانت حاسباه غادي يضربها ماضناتوش غادي يهزها ويبوسها.
ليليان تكلمات بصوت رقيق وهمس: مابقيتيش مخاصم معايا أيوسف
يوسف بصوت مبحوح : بدليها
ليليان: ش شنو
يوسف: يووسف بدليها .
ليليان عضات على شنوفتها وهبطات عينيها بخجل
يوسف تنهد وجلس فالأرض وسط الكوخ وجلسها فوق رجليه: دابا دخلت عليك بالله. الحلااان وحلييتي ليا رجليك. الحو*ى و حوييي*تك . النخيييض ونخضتك. ونتي حشمانة من كلمة حبيبي.
ليليان: احم لا محشماناش غير نتا كتبقى تشوف فيا بحال هكاك كنتوتر.
يوسف جبد من جيمو التيليفون وشعل البيل حتى ضوا الكوخ و هبط راسو ليها وشاف فعينيها الفيروزية وهي معليا راسها وكتشوف فيه ببراءة.
يوسف بصوت هادئ: واش عارفة شنو درتي ليوم. العارفة الغلط لي درتي
ليليان هبطات عينيها خجلاانة من رااسها
يوسف علا ليها راسها كيشوف فيها بعمق: وااش عاارفة شنو كان يقدر يطرا ليك.
ليليان: م ماقصدتش
يوسف: توتو ماشي ماقصدتييش مافكرتييش. ديييما كنوصييك. وكنقول ليك قبل مادييري خطوة فكري فيها مئة مرة عاد ديريها.
ليليان بقات ساكتة وكتعض على شنوفتها
يوسف: الخطأ الأول لي درتي خرجتي من الدار بلا خباري وبلا مانعرف وأنا موصيك ماتعاوديش تخرجي بلا متعلمييني
الخطأ التاني تعريتي وأنا محلفك ديك المرة ماتعاوديش تلبسي دوبياس ولا تتعرااي
ليليان: هي مابغاتش تعطيني الساروت
يوسف: ماشي مبرر. ملي دخلتي لقاعة ولقيتي في الدراري كان عليك ترجعي لبيت لي بدلتي فيه وجلستي تما. وإدا هي رفضات تحل لبلاكار صوني عليا
ليليان: نتا كنتي ماكاتجاوبش
يوسف: صوني على سلمان .. على أكرم ... على عصام.. ولو كنتي صونيتي غير على فهد وقلتيلو شنو طراليك. غادي يجي كيطيير فديك الساعة لكن نتي ماخدمتيش عقلك ومافكرتيش
ليليان سكتات عرفات راسها غلطات
يوسف: الخطأ التالت. شديتي عصير من عند واحد ماكاتعرفيهش وكنتي غادي تشربيه ومافكرتيش يقدر يكون شي حد مصيفطو ولا داير فيه شي كينة تدوخك
ليليان: ماحسابليش
يوسف: توتو مافكرتييش وعقلك ماخدمتييهش
الخطأ الرابع . تقتي فميسون. وأنا موصييك ماتيقي فحد. واخا هي بنت خاالي. ماتيقيش فيها.
تقدر تكون غايرة منك ماحاملاكش متحلفة فيك تبغي تدير أي حاجة باش تأديك
ليليان: علااش غادي تغير مني أنا
يوسف: تقدر تغير من كلشي . جمالك.. صغرك .. زهرك.. حب الناس ليك .عرفتي يقدر بنادم يغير حتى من ضحكتك.وبسبابها يبغي يكيد ليك
