🍒الفصل الثاني :إعتذاري منكي لن ينسيكي
دازو ساعات وبدأ يطيح الضلام البنات كلهم نقشو وحتى صفاء لي رجعات بلقيس جلساتها قدام النقاشة وطلبات منها تنقشها. عزاات عليها خصووصا ملي قلبات عليها ولقاتها جالسة فواحد الكواان بووحدها وماحداها حد. وماكتهدر مع حد غير كتشوف بعينيها. قلبها ضرها عليها خصوصا هي عاارفة حالتها عارفاها يتييمة ووحيدة وماعندها حد وكتضرب تمارة على راسها . حطاات بنتها ألماس فبلاصتها إدا كانت عايشة هاد العيشة ومامعاها حد وكتضرب هاد تمارة وزييد حاسة براسها غرييبة. قلبها وجعها عليها. ورجعات فينما مشات جاراها قدامها كتعرفها على صحابهم وعائلتهم وملي يسولوها عليها كتقول ليهم صديقة ولدي.
ليليان وبراءة طلعو وبدلو عليهم ولبسو تكااشط تقاال وكلهم منبتيين ومرصعين بالأحجار الكريمة .ليليان لبيسة فلون عينيها أخضر فاااتح وبراءة فالغووز .
وميسون حتى هي لبسات كسوة أنيقة فحال لحوتة مزيرة ومبينة فورمتها لونها فالأزرق
أما سحر رجعات لغرفتها ولبسوها فستان أبيض فحال ديال الأمييرات طوييل وماعندوش الكماام وكلو كيبري بالكريسطال تااج فوق راسها كبيير وحتى هو كيبري شعرها دايرين ليها مشيطة مرخووفة ومجموعة من اللور والزغيبات من القدام بقاو هوادين. لمهم جاات برنسيييسة وصافي .
أما فالجردة تشعلو الأضواء وتطلقات الموسيقى معلنة عن بداية الحفل. وبداو المعازيم يدخلو . كلهم من الطبقة الراقية لبسهم فخم ووقفتهم فيها الهمة والرقى ..
و الدراري سلمان وفهد ويوسف وأكرم لابسين لي كوستيم . وااحد ينسيك فالتاني . واقفين مع صحابهم ومعارفهم كيرحبو بيهم .
صفاء كانت جالسة فواحد الطبيلة قدام سلمان وبلقيس مرة يجلسو حداها ومرة ينوضو عند الناس وهي غير حاضيا يعينيها هاد الناس ماكتهدر ماكتكلم. هي فالأصل حشومية خصوصا مع الناس لي ماكاتعرفهمش
جلس قدامها سلمان: صفااء مرتااحة
صفاء: اه مرتااحة أخويا ماتهزش ليا الهم .غير حاسة براسي غريبة قدامهم بهاد اللبس
سلمان :يااك الواليدة قالت ليك طلعي مع ليليان ولبسي حتى نتي شي قفطاان. ونتي مابغيتيش
صفاء: هههه واش منيتك أخوويا. وحدة سنيين وهي تلبس لبس الدراري بهاد السرعة غادي تبدل وتلبس بحال البنات لا ونزييد نصيب شعري وندير المكياج فوجهي (ضحكات ضحيكة حلوة) ههههه لاا ونزيد نلبس حتى طالون ونخرج نتشقلب ليكم هنا
سلمان غير حاضي ضحيكتها ومبتاسم: هه لا بقاااي برااااحتك كيفما نتي ولي ماعجبتيه يضرب راسو فأقرب حييط
فهد كن بعيد واقف وحاضيهم كيفاش قرابين لبعضهم وكيضحكو كيزيد يتأكد أن بينهم علاقة تمشى عند ذكرى لي كانت واقفة مع شي ناس جرها كن يديها بلباقة . ذكرى عتاذرات لناس وتمشات معااه
فهد:الواااليدة هاديك شنوو مزااال كديير هناا
ذكرى:شكوووون
فهد: هااديك لي مع سلماان
ذكرى: راه سلمان لي بغاها تبقى معانا علاااش ماالها
فهد: واااش حنا عارضيين على نااس مهميين فالمجتمع وهو جاايب وحدة بهااد الشكل شووفي كيف كلشي حااضيها
ذكرى:اويييلي أفهد يحضييوها ولااا يجلسو وحنا مالنا
فهد:والصحااافة
ذكرى:ومن إمتى حنى كنهتموو بكلاام الصحافة. مااتنساااش حتى ماماك فواحد الوقت كانت من الطبقة العااادية . هادا ماشي أسلووب كيهضرو بيه الناس
فهد تنهد:ماقصدتكش نتي الوالييدة
ذكرى: أنا ولا هي ماشي مهم شكوون. ماشي حيت هي من الطبقة الفقيييرة نهينوها ونقصو منها. عرفتي يقدرو يكوونو هاااد البنااات ليهنا كلهم مايسااويوش ضفر من ضفرها. عمرك ماتنقص من قيمة الواحد حيت ماعندووش.
ذكرى قالت كلامها ومشاات وخلاتو وهو بقا كيشووف فصفااء كيفاش كتبتاسم وتهدر مع سلمان واخا كتبان بريئة وضريفة . لكن هو ماقادرش يمحي العقدة لي فقلبو وماقادرش ينسى الماضى ويتخطااه
#يتبع
