🍒 الفصل الثاني: إعتذاري منكي لن ينسيكي
ذكرى مدات يديها كتلعب ليها فخدودها الحوومر بالسخانة ديال الصبا: نوووضي أبنتي باش ننقش ليك الحنينة نووضي
ليليان خسرات سيفتها غادي تبكي : أهئ أهئ بغييت الحنة
ذكرى تخلعات وكلهم ناضو يشوفوها مافهموش مالها
ذكرى شداتها وجلساتها: حبييبة دياالي ماالك أبنتي علااش كتبكي
ليليان: أنا بغييت ننقش ومابغيتووش تنقشو ليا أهئ أهئ
ذكرى شدات ليها حنوكها: أنا أنا ماما مابغييتش ننقش ليك
بلقيس قربات كتلعب ليها فشعرها: ليليان ماالك علااش كتبكي دابا
ليليان: أهئ أهئ انا كانقول ليكم بغييت الحنة . وتوما كتقولو ليا نعسي سخني أهئ هنننن مابغيتش نسخن أنا سخووونة. أنا بغيت ننقش
براءة شداتها الضحكة قلبات وجهها وسحر قربات عندها لاويا عليها فوطة
سحر:ياالاه نووضي كملي الدوش باش تنقشي. هاد البكاء كامل على قبل الحنة
ليليان:أهئ لااا بغيت حتى نلبس القفطاان ونتصور مع العرووسة
سحر : واهادي كانضمنهالكش حيت حتى العروسة ماغاديش تتصور
ليليان : لاااا أهئ أهئ بغيت نتصور مع العرووووووسة
ذكرى: لييييليان أوييلي مااااالكي
ليليان فحالا عاد فطنات وردات البال لكلامها حنحنات وبتاسمات: واالو بغيت ندوش
ذكرى: لا حولة ولا قوة إلا بالله. يالاه نوضي دوشي دغيا حيت كتدوخي نتي فالصبا.
خرجو من الصبا ودخلو لحمام بلدي جلس كيغسلو دهنو لسحر لخلطات ديال لعروسة وهي غير كتتنهد. ماخلاوهاش تغسل لراسها حكو ليها وغسلو ليها شعرها نقاااوها وردوها كتشعل عرووسة نييت . كذالك ذكرى حكات نليليان حيت عارفاها غير سخيفينا واخا كطير وقت الصح كتعيا دغية. خرجو لبرا جلسو كيتبردو عاد غادي يلبسو . الخدامة هبطات ليهم براد أتاي جلسو كيشربو فيه ويردو النفس
بلقيس شافت فسحر وبتاسمات: سبحاان الله . دغيا طاح عليك السر ديال العروسة
سحر مع بالها كتقول شمن عروسة هادي
براءة: والله خويا عصام وااخد الزييين دابا عاد غادي يحسب راسو مزوج. أما ديك عود الند لي كان واخد مانعرف كيفاش كان كينعس معاها
ذكرى بسرعة شافت فيها كتعض على شنايفها وتتحلف عليها
وسحر إكتفت تهبط راسها نالأرض وبتاسمت جنب
براءة عضات على فمها وتمتمات: م ماقصدتش. وزايدون حنا كلنا عارفين عصام الوحيدة لي كيحمااق عليها هي سحر
ذكرى خنزرات فيها ومشات عند سحر: مانبغيكش تتقلقي ولا تتفكري الماضي خصوصا هاد النهار عرسك. عصااام ديااالك بووحدك. ومن دييما كان دياالك. وهاديك خداتو بالشعوذة والسحر. أما نتي خديتيه بالحب ملكتيه وسحرتيه بقلبك وروحك. نتي دابا نسيتي الماضي وقلتي غادي تبدأ معاه صفحة جديدة إدا نسااي كلشي صافي أبنتي
سحر علات راسها وبتاسمات: ماتخافيش أماما كوني هاانية
ذكرى: ياالاه نوضو أبناتي باش تلبسو وتوجدو ريوسكم ونبداو الحنة
