🍒الفصل الثاني :إعتذاري منكي لن ينسيكي
جراتها حتى لباب الحمام الخاص بالضياف . حلاتو ودخلت شادة ليها فيديها. وصفاء غير كتدور عينيها وتشوف فجمال هاد القصر كل بلاصة أجمل من التانية. غير الحمام وحمقها ماكرهاتش تنعس فيه من قوة كيشعل لزليج لي فالأرض بيض كيشعل والمرايات معليقين كيبريو ولافابو فلون الذهبي كيبري.
بلقيس بتاسمات ودخلاتها :أجي أحبيبة ديالي أجي
صفاء بتاسمات ودخلات
بلقيس جبدات واحد الطويسة صغيرة حطاتها فوق لا فابو وطلقات فيها الماء دافئ حتى عمراتها. وشدات فيدين صفاء بدات كتعلى ليها الكم دالسورفيت شوية باش ماتفزكش. حتى ضهر لون يديها البيضيين كيشعلو . بيااض ناااصع.
بلقيس بقات كتشوف الفرق بين الكف ديديها الكوحل بالوسخ والغيص وبين يديها من لفوق لي بياضو فحال الجبينة .تنهدات وقرباتها لجيهة لفابو. وشدات ليها يديها بجوج ودارتهم وسط الطويسة وبدات كتفرك ليها فيهم . وصفاء غير كتشوف فيديها لي غير حطاهم ماكاتحركهمش وكتعلي راسها فالمراية كتشوف فبلقيس كتحك ليها فيديها.
ماعرفاتش حسات بإحسااس فشكل . أول مرة تحس بييه. قلبها ضرب وعينيها دمعو كتشوف فمراية فبلقيس شحال زويينة وأنيقة ومن طبقة لاباس عليها وكتغسل ليها فيديها . بقات كتطلع فيها وتهبط ولأول مرة تغير من شيحد. غارت من سلمان حيت عندو أم فحالها. صغيرة وزوينة وحنينة ماكرهاتش تكون بلاصتو. ماشي تكون غنية لا. فقط تكون عندها أم تغسل ليها يديها ديما.
بلقيس حكات ليها يديها مزيان حتى رجع الماء لي فالطاسة كوحل . كباتهم وعمرت وحدين تانيين وعاودات حطات ليها يديها ودارت شوية الصابون وبدأت كتفرك حتى تنقااو مزياان وضفارها ولاو كيشعلو مع مقطعاهم ماكتطولهمش مادخلش وسطهم الغيس . شللات ليها يديها وجبدات فويطة صغيرة لوات ليها يديها فيها. وصفاء غير حاضياها وساااكتة كتشوف فيديها وتعلي راسها فبلقيس تشوف شنو كدير.
مسحات ليها يديها مزيان وحيدات الفوطة. وشدات ليها فيديها كتحسسهم بصبعانها واخا ولاو بيضيين كيشعلو لكن بقاو عامرين جروح وضرابي بلقيس خصرات سيفتها بألم . وجبدات واحد الكريمة من المجر دارت شوية فيديها ودهناتها ليها مزيان . عاد شافت فيها مبتاسمة
بلقيس:مزيااان دابا يديداتك رجعو نقيين واخا مجروحين شوية. ملي تكوني غادية فكريني نعطيك واحد البومادة دالجروح تبريليك يديك
صفاء بقات غير كتشوف فيها بدهشة مامولفاش هاد التعامل وهاد الحنان من الناس الغرابين. منغير أشرف و سلمان لي رجعو مقربين ليها
صفاء:ءء
بلقيس:ههه اجي دابا ندخلو باش حتى نتي تنقشي .
حلات الباب دالحمام وخرجات جاراها من يديها تاني مع غاديين مع فهم داخل قشعهوم وشاف بلقيس شادة ليها فيديها ضرب واحد التخنزيرة فصفاء حتى تفافات وطلع فالدروج وهي بقات تابعاه بعينيها وقارنة حجبانها مافهماتش واش هدا طبعو ديما ولا غير معاها
