🍒الفصل الثالت:صفاء روحك أذابت فؤادي
يوسف خرج وخلا ليليان غاادي تتصطى بالبكى قلبو كيقول ليه رجع ليها وعقلو كيقول ليه خااليها عاااقبها بااش تعرف أخطاائها ، تمشى فالكولواار دموو كيفوور غادي لمكتب الطبيبة وهو يتلقى بفهد وسحر داخلين
سحر: كيييف هي ليليااان وااش بيخيير
يوسف: الحمد لله فااقت
سحر تنهدات: الله يعوضكم أخوويا نتوما ماازاال صغاار ومازاال تزييد تحمل
يوسف حرك ليها راسها بأه
فهد: فين غاادي
يوسف: عند الطبيبة بغيت نعرف شنو طرا لولدي وشنو سبب الإجهاض
فهد :حتى أنا غادي ندخل معااك
سحر:وحتى أنا
يوسف تنهد وحل الباب دالمكتب ودخل وهوما تابعينو الطبيبة كانت جالسة فوق المكتب وشادة شي وراق فيديها علات عينيها لقاتهم فوق راسها
يوسف: شنوو سبب الإجهاض
الطبيبة:أحم وااخا تفضلو بعدا باش نعرفو نتكلمو
فهد ويوسف جلسو وسحر جرات كرسي وجلسات قدامهم
يوسف : هدرى دغياا مرتي كيفاش طرا ليها
الطبيبة: ماعرفتش لي عاارفة أنها جاات كلها دم دخلناها قلبناها ودرنا ليها الصونار لقينا البيبي ميت
فهد:وشنو السبب باش ماات
الطبيبة : مافهمتش أسيدي شنو كتعني بكلاامك
فهد:شنوو الحاجة لي سببات ليها الإجهاض
الطبيبة: إجهاض عاادي ماعندو حتى سبب كتقصد زعمة تناولات شي دواء
فهد : ممكن
الطبيبة:لااا التحااليل هاهوما مازاالين فيديا الدم ديالها صافي مافيه حتى دواء
سحر:وااش ممكن تكون كلات شي حاجة تسببات ليها فالإجهاض
الطبيبة:على حسب شنو هاد الحاجة
فهد بسرعة: اللوبية
الطبيبة:لااا اللوبية عاادية مافيها واالو وأنا شخصيا فحمالتي كنت كنتوحم عليها وكنت كناكلها تقريبا كل نهاار ماعندا ماتدير ليها
فهد علا حاجبو كيحس براسو بدأ يسخن عليه مد يديه وحل أزرار القاميجة من لفوق
يوسف: تقدر تكون خايبة ولا مسموومة ولا متلا فيها المساخن
الطبيبة:إمتى كلات هاد اللوبية
يوسف:قبييلة قبل ماتجي نلوبيطال بشوية
الطبيبة تنهدات: اللوبية مستحييل تكون هي السبب حيت الجنيين كان ميت فكرشها أكتر من 24 ساعة وعاد طاح داابا
#يتبع
نتشااوفو غدا مع ردة فعل فهد 🙄🙄 خليو إشهارات بحال البارح وبلبلووها 🥰🥰 وغادي نولي نجمع الاجزاء في بارت واحد انشاء الله
