🍒الفصل الثالث : صفاء روحكي أذاب فؤادي
مسحات مزيان و لبسات الشوميز جاها لاصق هزات السطرينج غير خويط عضاتو بسنانها مجننة جبداتو كان غادي يتقطع عاد تنهدات دارت شهيق وزفير عاد لبساتو شافت فالمراية لقات راسها كتبان قرطاسة توووتة. لحمها بيض وبزازلها كبااار خارجين من الكسوة غادي ينقزو. وشعرها الأسود مطلوق . بقات شحال كتشوف فراسها كتقول واش بصح ليوم عرسي ليوم تزوجت وبشكون بعصاام ودابا لابسة هاد الكسوة وغادي تبات هي وياه فبيت واحد. حيدات هاد الأفكار من بالها ولبسات البينوار من الفوق جاء حتى ركبتها جبداتو مزياان على صدرها باش حتى حاجة ماتبان عاد ربطات الحزام بقوة خايفة يتفك وحلات الباب وخرجات
خرجات قرنات حجبانو ملي لقاتو نعااس فوق السرير وطافي الضوء
شافت يمين وشمال لقات أريكة وحدة دشخص واحد جالس ماعندها فين تنعس. رجعات كتقلب علي شيحاجة تفرشها مالقااتش كلشي دايرليه حسابو. وقفات فوق راسو غادي تتفركع ماكرهاتش تخنقو
سحر : عصاااااام
ماجاوبهااش
سحر: عصااااااااام
جاوبها عصام بصوت نائم زعمة:اممممم
سحر: فييين غادي ننعس أنا
عصام: اممم ماعرفتش
سحر: كييفاش ماعرفتييش ياك تفاهمنا على كلشي واحد غادي ينعس فالسرير واحد فالأريكة . فين هي الأريكة
عصام: حتاجوها وخرجوها
سحر: شكووون خرجها
عصام: خرجها الواليد بغا يبقا ينعس عليها حيت تخاصم مع الواليدة
سحر: كتتفلى ياااك
عصام: ماتقتيش غدا سوليه
سحر: أه وااخا عطيني شنو نفرش فالأرض
عصام: ماعندي والو مع العرس جاء مزروب مادركتش نتقدى.
سحر: عصاااااااام متجننييييش
عصام: دااابا مالكي خلينا نعسو
سحر بغات تجر الكوفرلي لي فوقو لقاتو شادو مزياان مابغاش يطلقو ليها
عصام:كيجيني البرد بليل. بغيتي نعسي حدايا وتغطاي مانقربش لييك
سحر ضحكات بإستهزاء:هههه صافي هادشي لي بقا .
تمشات جيهة الباب وخرجات كتقلب فالجناح شي بلاصة تنعس فيها الباب لي كاتحلها كتلقاها مسورتا ماكاين حتى غرفة مفتوحة منغير غرفة النوم . عرفات هادشي كلو من عصام كتعرف مزياان فعايلو . بقات شحال كتفكر برى مالاقية حتى حل إدا خرجات من الجناح وتلاقات شي حد غادي تتشوه والخطة غادي تخصر مالقات مادير منغير ترجع تدخل
عصام كان جالس كيحاول يتصنت عليها شنو كدير غير حس بصوت الباب غادي يتحل رجع نعس بسرعة وغمض عينيه.
هي دخلات كتأفأف كارهة راسها قربات عندو متوترة شدات فالكوفرلي وهزاتو بشوية باش ماتفيقوش زعمة ودخلات جنب السرير قريبة الطيح غطات وغمضات عينيها قلبها كيضرب غادي يخرج من بلاصتو .
هو غير حس بيها دخلات تحت الكوفرلي حل عينيه وبتاسم بشر
#يتبع
. لي قرات تخلي جيم وتعليق وإشهار . بااي الغزاالات😘😘 غنبقى ديما نحط ليكم أجزاء مع هاد لوقيتة
