🍒الفصل الثالث : صفاء روحكي أذاب فؤادي
فهد خرج فحالو سامح فيها هربان جيهة وصفاء بقات واقفة جنب الحيط لي فالكوزينة صفرة كلها كترجف. هي مأثرش فيها بكلامو ملي قال ليها ماعزيزاش عليا حيت هي ديييمة كتتعرض لتنمر خصوصا مع لبسها حتى البنات لي فحالها وكيضحكو عليها. يعني هضرتو ماغادي تزيدها ماغادي تنقصها حيت تايقة فراسها. وكون هزوها ولو غير شوية بهدرتهم كانت غادي تحيد هاد اللبس وتوريهم جمالها. لكن هي على العكس . ديما متشبتة بمبادئها رغم كل الصعاب.
بقات واقفة هكاك كتاخد النفس حسات براسها بدأت كتتخنق حشات يديها فصدرها وجبدات رابوز دارتو ففمها وخدات منو تلاتة دالرشات. هي ماشي مريضة بالربو. لكن الثقب لي فقلبها خلاها تتصاب بديق فالتنفس أحيانا ،على هكا ديما هزاه هو ودواها والأمور الضرورية لي كتحتاج.
بقات واقفة حتى تنفسات ومسحات دموعها جات تخبي الرابوز وهي تدخل بلقيس بسرعة دخلاتو فجيبها قبل ماتشوفو . ووقفات مبتاسمة
بلقيس غير كتشوف ضحيكتها كتضحك حتى هي كاتجيها بشووشة ودخلات ليها لخاطرها
بلقيس: حبييبة تعشيييتي . دارت شافت فالطبلة لقات البيتزا مزالة مكمولة و غير معضووضة منها باينة ماعرفاتش تاكلها. شافت فصفاء لقاتها حمارت حشمانة . مابغاتش تحرجها وقالت أرا نصايبها ونبين الأمر عادي
بلقيس: هههههههه يااابنتي كتطيييرو ياهاد الجيل . حتى ليليان كدير هكا ومكتقطعهااش كتبغي تاكلها كلها لكن غير كتوصل لنص وكتوقف
صفاء ضحكاات: هههههه هي بعدا كدير تحدي تاكلها كلها. ههههه ولكن هاد المكلخة لي قدامك ماعفااتش أصلا تاكلهاااا. ههههههههههههههههه. بقاات كتضحك من قلبها. دغيا نسات فهد وتعامل فهد وكلام فهد
بلقيس بقات غير واقفة ومبتاسمة بصدمة. هي داايرة مجهود باش ماتحرجهااش . زدقات هي فاااضحة راسها ومامحروجاش
بلقيس بتاسمات : هههه فخبارك نتي حلوة بزاااف ودخلتي ليا لخاطري
صفاء شافت فيها وخدودها حمارو: حتى نتي دخلتي ليا لخاطري حيت ضريفة وحنينة.
بلقيس بتاسمات وجرات ليها خدودها:ياااربي شحااال فنة ومأذبة. باااينة غادي نوليو أنا وياك صحابات واخا شاارفة عليك.
(جراتها من يديها طالعة لفوق جيهة غرفة الضياف)
صفاء:هههه بلعكس كتباني صغيرة بزاااف مابايناش فيك والدة سلمان
بلقيس: ههههههههههه. واالدة جوج كيااادر وعصفوورة
وصلو لغرفة حلاتها ودخلو
صفاء بأسف :عااود ليا سلمان على بنتك المختفية نتمنى تلقايها وأكييد غادي تلقايها
بلقيس بتاسمات بحب والدموع فعينيها: نتي من الناس القلال لي قالو غادي تلقايها . كلشي كيضنها ميتة على عكسي أنا لي متأكدة منها حية
جلسات فوق السرير وشدات فيد بلقيس جلساتها قدامها
صفاء: ياك قلتي ليا غادي نولي صديقتك إدن غادي نهدر معاك بصيفتي صاحبتك
بلقيس: هههههه هدري أصاحبتي هدري
