🍒الفصل الثاني :إعتذاري منكي لن ينسيكي
بعد ساعات طويييلة والحفل مستمر بالموسيقى والأكل والصحافة لي متهافتة كتصور كل واحد على حدى . العدول وصلو حيت عصام كان مصر يدير العقد أمام الجميع .
لكن المشكلة أن عصاام نهار كلو ماضهرش وماليهش الأثر كيصونيو عليه تليفونو خارج التغطية والناس عياو كينتاذرو مراسيم الزواج يبداو .
العائلة كلهم توترو وكل واحد فين زااد يقلب . وسحر لي وسط بيتها عياات جالسة لابسة ديك الكسوة صهطااتها والتاج لي فوق راسها تقيل حيت مرصع بالألماس . كل مرة كتبغي تنزل كتشدها سحر بحجة. صبري باقي ماعمارت الدنيا . صبري حتى يوصلو العدول. صبري عصام كيلبس لكن بزاااف قريب الجوج ديال الليل ودنيا ماعماتش وهي كتسمع صوت الناس وضحكهم من البيت.
وقفات سحر وتأفأفات بعياء هزات التيليفون كتصوني لذكرى ولا سلمان . والو ماجاوبوهاش صونات تاني لفهد ومراد . حتى هوما واالو . دخل ليها الشك وحسات أنه كاينة شي مشكلة مايمكنش هاد الوقت كلووو ومكاين حتى جدييد وهي من الساعة التامنة وهي جالسة بهاد الحالة.
خرجات من بيتها وتمشاات بشوية فالكولوارات وصلات لدروج وشدات فكسوتها بشوية عنداك تطيح مع طوييلة بزااف ونزلات
لتحت فالجردة للناس كلهم بداو يهضرو ويوشوشو. حاسيين بلي طااريا مشكلة نالعائلة حيت كل مرة هازين التيليفونات كل مرة خارج شي حد فيهم وذكرى وجهها صفر الخلعة قابطاها وبلقيس كتصبر فيها
ذكرى:الله يااااربي ولدي فين مشى
بلقيس: تهدنيي أختي الغايب حجتو معااه.
ذكرى : وليوووم عرسووو أبلقييس ختي. فيين عندو فيين يمشي.
بلقيس: ذكرى تهدني أختي
بلقيس الدموع شاداهم بزز: وكووون عرفت هاد النهار غادي نتجنن فيه كااع مانديييرو. كون خليتها تسيني على العقد والا هاد الورطة لي توطتها معاها.
بلقيس: رااه غادي يجي ماعندو فين يمشي
ذكرى: فييييين غادي يجي فاااتت الجوج ديال الليل. والبنت لفووق عيااات قريبة تنعس وأنا كل مرة نضحك عليها بهضرة
ذكرى شافت فبلقيس والدمووع فعينيها: بلقييس
بلقيس: نعاام أختي
ذكرى: عنداااك يكون مشى تاني . عنداك يسمح فيها
بلقيس: أوييلي قولي أعوذ بالله من الشيطان الرجيم . وااش عصام غادي يسمح فسحر .
ذكرى جات تجاوبها وهي تشوف سحر خارجة من الباب ديال الجردة شادة فكسوتها بدات تولول هادشي لي ماكانتش باغية . مابغاتهاش تنزل باش ماتعرفش بلي عصام غايب ومكاينش
سحر كانت خارجة من الباب وقارنة حجبانها كتشوف الجردة مكتضة بالناس والعدول كيبانو ليها من بعيد جالسين فطبلة العرساان. مافهماتش شنو طاري خصوصا كلشي كيشوف فيها ولي كتدوز من قدامو كيوشوش. وكلامهم كيدوزو على وذنيها وكيتركو طعنة فقلبها وهي غير كتشوف فيهم وجهها صفر مامتيقااش كلامهم
: مسكييينة كتعز علياا هاد البنت
: والله ماعندها زهر
: ماكفاهمش يتييمة. غادي يزييد يحرق ليها قلبها تاني
سحر غاديا وكتشوف فيهم باغيا تفهم أسباب كلامهم
: المرة الأولى تخلى عليها ملى قرب عرسهم وتزوج وحدة أخرى
: هه وهاد المرة تاني خلاها حتى لبسات الكسوة البيضة وسمح فيها تاني
سحر حركات راسها بشكل لااا ماباغااش تسمع كلامهم ومابغاش تتيقو. وجهها مشى منو اللون وعينيها عمارو بالدموع مشات كتجري عند ذكرى وبلقيس وقفات عليهم كتلهت وقلبها غادي يوقف من قوة ماضرب
سحر بصوت متقطع: ف فين عصااام
