🍒الفصل الرابع: كن لي أبا
♣️الجزء :892
سحر هبطلت عينيها خدودها حوومر خجلانة من كلامو وحتى من هاد القرب لي بينهم
عصام هز ليها وجهها بصبعو وبتاسم: ههه كتحشمي سحر خدودها حماارو انجااز هادا
سحر قلبات راسها هربانة منو : صاافي ماتبقاش تقول ليا هكاا
عصام هز حاجبو خايف طبعها مايكونش تبدل : ماراضياش بكلامي ولا؟
سحر حركات راسها بلا: احم كتزيد تحشمني بهدرتك
عصام بتاسم ابتسامة عريضة ولوا يديه على ضهرها وزاد معليها حتى طلعات فوق حجرو عضوها محطوط فوق عضوه،
سحر: شنو كدير
عصام حرك الحصان كيتمشى خطوات بطيييئة: عنقيني بجوج يدين
سحر توترات وهزات يديه كتحيد الشعر على وجهها : لاا صافي نزلني خلينا نتمشاو
مازال ماكملات كلامها حتى غوتات ملي عصام عطى اشارة الحصان باش يجري ، وبدون ماتحس كانت عنقاتو بجوج يدين خايفة تطيح
عصام عض على شنوفتو وهبط راسو قبلها من عنقها الأبيض حتى تبورشات عنقها بواحد اليد واليد التانية شد فالسرج وزااد فالسرعة
بقى غادي وسط العشب الأخضر حتى بعد شوية على الفيلة لكن مازال فالمساحة الشااسعة لي دايرة بالفيلة وصل لواحد المنطقة كلها خضورية وقدامها بحال نهر هابط بالماء وقف الحصان ونزل بعينيه شاف فسحر لقاها مخششة فيه وحاطة راسها فعنقو بتاسم عاجبو الحال ومد يديه دوز ليها على شعرها بحناان
عصام: عجبك حضني
سحر بدون شعور: اممم
عصام بتاسم : وصلنا اكبيدة
سحر عاد رضات البال وبعدات عليه : احم واخا نزلو
جلسها عصام فوق الحصان ونزل عاد مد يديه شدها من خصرها وهبطها حتى تساطح وجهو مع وجهها وفمو كان قريب يقيص فمها عاد سحر توترات وعصام بتاسم جنب وحطها
سحر دورات عينيها على المنطقة عجباتها : وااااو فننننة هاد البلاصة عمرني وصلت ليها
عصام: هههه الله يهديك راه جيتي ليها وعندك 16 سنة وداك النهر دخلتي عمتي فيه معايا
سحر قرنات حاجبها بإستغراب: وااش نهار جينا بالليل
تكى عصام فوق العشب ودار يديه تحت راسو: امم عقلتي دابا
