🍒الفصل الثاني :صفاء روحكي أذاب فؤادي
غير وصلو عندهم ذكرى وقفات
ذكرى:هاهوما جااو يالاه نجلسو فالطابلة العشاء تحط
تمشاو كلهم جنب الجليسة كاينة ،طبلة كبيرة كيتعشاو فيها كل واحد جلس فبلاصتو بقات غير صفاء واقفة حاصلة فين غادي تجلس حيت بقاو جوج بلايص خاويين وحدة قدام سلمان و وحدة قدام فهد
بقات واقفة وكتشوف فيهم وتشوف ففهد لي كيرمقها بحدة زعمة أجي لهنا
بلقيس:ماالك أبنتي جلسي
صفاء كتشوف فيها وتشوف ففهد لي مخنزر متوترة :فيين
سلمان قرن حجبانو:كيفااش فين أجي تكلسي
صفاء شافت ففهد بنص عين لقاتو حاضيها كيشوفها شنو غادير وشافت فسلمان : ن نجلس قداامك
سلمان:علاش فين باغية تجلسي هاني خليتليك بلاصة قدامي
صفاء عضات على فمها وقربات عندو متوترة كتلعب فيديداتها وجلسات وهي خاايفة ماقادراش تعلي راسها ففهد ،حييت عاارفاه نبهها ماتعاودش تقرب ليه
بلقيس:مالك أبنتي
صفاء علات راسها مبتاسمة ومتوترة فنفس الوقت : احم و والو أخالتو أنا بيخير
بلقيس:ويالاه كوولي هز أسلمان وعطيها
سلمان قرب باش يهدر معاها قفزات مبعدا راسها وعلات عينيها ففهد لي لقاتو كيتحلف فيها وكيحرك راسو زعما وااخا.
سلمان قرن حاجبو: ماالك هاااد النهاار
صفاء:والو أخويا واالو
سلمان حرك راسو : شنو بغيتي نحط ليك
صفاء شافت فطبلة لي مشكلة بجميع الأكلات التقليدية لحم ،الدجاج محمر ، بسطيلة ، السفة ، السلطات مشكلين
صفاء:بغيت بسطيلة
سلمان علا حاجبو مافاهمش مالها ومد ليها بسطيلة صغيرة حطها فطبسيلها
سلمان:واش قلقك شي حد
صفاء:لااا احم لاا عادي أخويا غير بغيت دغيا باش نمشي لدار حيت تعطلت
بلقيس: فييين باغية تمشي الليل هدا غادي تباتي معانا
صفاء :لا خالتو مانقدرش غدا نايضة بكري فالفجر عندي الخدمة مانقدرش نبات هنا
سلمان:افيين باغيا تمشي باتي هنا وغدا نوضي ومشي
صفاء: لاا أخويا والله مانقدر حتى أشرف غادي يتقلق عليا
فهد لاح الفورشيط من يدو جات فوق الطبسيل وهز كأس دالماء هبط عليه عينيه حوومر فحال الجمر
صفاء بسرعة علات عينيها فيه ورجعات هبطاتهم
سلمان : أنا غادي نصوني لأشرف باش مايخافش عليك
فهد بحدة: علااش غادي يخااف عليها ، رااجلها خااطيبها خوووها شنو كيجيها باش هازيين ليه الهم
سلمان :بحاال خووها ورباها من صغرها هو لي عاونها وهو لي هزها سنيين ،وماشي ضاروري يكون رابطهم الدم باش تاخد رأيو وتطمنو عليها
فهد: ماعندوش الحق يتحكم فيها تبات ولا ماتباتش
سلمان:بالعكس عندو سلطة عليها حيت كيتعتابر خووها وإدا شي نهار تشكى ليا بيها غادي ندور فيها خاصها تحتارمو وتحتارم خوفو عليها
فهد تمتم : ينعل ديلمو على ديلمها حتى هي قالك تحتااااارمو
