🍒الفصل الثالث : صفاء روحكي أذاب فؤادي
صفاء: أحم و ولكن ح حشوومة صافي بلااش مانلبسووش
فهد علا حاجبو وخنزر : هدرتيييييي ماتعااااودش جوووووج مرااات، عطييتو لييك شدييييه بلا فهااامات ،رااه الدريسينج قدااااامك دخلي لبسي حوايجك ونلقاه محطوط فشي بلاصة غادي تكون هدرا خراااا
صفاء غير كمل كلامو دخلات كتطير لدريسينج وسدات عليها الباب كتولول
صفاء:ويييييلي وييييلي علي شوووهتك أصفاااء بلتي قدااامو وغادي تلبسي كيلووووطو أويييييلي على شووووهة ،
الدموع وقفو ليها فعينيها ماعرفاتش شنو غادير وباين عليه معصب غير بوحدو إدا مالبساتوش غادي يقمعها ولا يعايرها مالقات شنو تدير مسحات لحمها وحيدات البينوار لبسات السوتيان وشدات البوكسور كتشوف فيه مترددة وفالأخير لبساتو بين رجليها وطلعاتو مع عندها ليهونش ومؤخرة كبييرة جاها مزير ومن الفوق مفركع لبسات سوفيطما دياالو جاتها هابطة شوية علي المؤخرة ، عاد فالنهاية لبسات السورفيت ديالو ،وأجي تشوفو حالتها فالنهاية كلها مهشكرة الدوووبل ديال سورفيت أكرم
واخا دأكرم جاتها واسعة لكن قدرات تقادها هادي بزاااااف السرواال كلو كتسطم عليه واليدين كلما كتطلعهم كيطيحو القبية الفوقانية واصلة لركبتها ، وزييد السيور ديال الخصر واخا كتسدهم من النوع لي كيتحل بوحدهم كيتزلقو
صفاء جاتها البكية ماعارفااش شنو تديير وكيفاش غادي تخرج بهاد الحالة
فهد:واااش غادي نباااتو هنااااااا
صفاء: هااني جااايا . شدات فالسروال من النص باش مايطيحش وخرجات كتعتر فرجليها دايرة المشية ديال البطريق ماقادراش تمشي بسباب السروال لي طويل
فهد كان جالس كيساينها غير شافها خارجة بديك المشية قلب وجهو نالحيط كيضحك بالدموع ولكن ماقادرش يخرج الصوت قلب نص عينيه يشوفها لقاها مازالة جااية وتجفف بديك السروال فالأرض وشاداه من لفوق شانقة عليه خايفاه يطيح ، عض على فمو كيحاول مايضحكش
هي علات عينيها كتشوف فيه وجاية عندو ماشافت فالأرض تعكلات فالسروال طاحت على وجهها
فهد غير شافها قلبو خبط بالخلعة مشى كيجري لعندها تحنى عليها وعلا ليها راسها كيشوف وجهها لقاها غادي تبكي والضربة جاتها فالعضم ديال خدها من الفوق دغيا حماارات وبدات الضربة كتميل لزروقية
خنزر فيه وتحكلم بحدة:ماااالك عوووورة ماكاتشوووفيش غااادي تخصريييي وجهك
صفاء تقصحات لكن مابغاتش تبكي بقاو الدموع فعينيها: الحوايج كباار عليا
فهد تنهد وشدها من كتفها موقفها وهي شاادة فالسروال مامفااكاش خايفة لا يطيح
وقفها وطلعها وهبطها بعينيها كلها مهشكرة بحال شي فلوسة مخشية فشكاارة يديها ماباينينش ورجلين ساطمة عليهم حالتها حاالة ، دار يديه على خصرو وتنهد
فهد:مااالك شادة ديك السرواال
صفاء:م مابغاااش يتربط ليا
فهد:مممم ولبستي البوكسور
صفاء شافت فيه خديوداتها حومر وحركات راسها بأه
فهد بتاسم وقرب ليها وشد الفوقاني ديال السورفيت غادي يعليه وهي تشدليه يديه
فهد:ماااالناااااا
صفاء بتوتر :ش شنو كديير
فهد : غادي نصيب ليك هاد الحالة
صفاء: ماغاديش تتصيب جيب ليا شي سورفيت من عند أكرم حسن
فهد قرب ليها بعصبية شد ليها فالسروال ونتر ليها يديها حتى حيداتهم عينيه خلاهم وسط عينيها ماهبطهمش لتحت قرابين لبعضهم بزااف فقط حاضي نضراتها الخجلانين وعينيها لي كترمشهم فيه خدودها لي غادي يطرطقو بالحمورية ونفسها لي مامنتاضمش كيحس بقلبها كيضرب من بعييد صدرها كيطلع وكينزل تلفها ماعرفاات شنو تدير إكتفت فقط تشوف فعينيه وهو لي كيبادلها بنضرات غامضة ماتقدرش تعرف فاش كيفكر ولا شنو تحت راسو مخنزر وقاارن حجبانو غير فكرة أنها تعااود تلبس سورفيت أكرم عصباااتو وجنناتو ماحملهااش تلبس حوايج دشي راجل
علا ليها القبية الفوقانية وشد ليها فالسروال بجوج يدين وطلعو لفوووووق ، فووق من كرشها عاد حزمو ليها جوج حزمات مزيااان باش ميطيحش هبط الفوقاني دالسورفيت ونزل بعينيه ليديها شد الكم دالسورفيت وبدأ كيطويه حتى وصل ليديها وداز لتاني دار ليه نفس الشئ
شاف فسروال وتنهد أول مرة غادي يدير هادشي مع شي وحدة تحنى على رجليها وبدأ كيطوي فيه دار نفس الشي لرجل التانية عاد وقف كيشوف فيها وهي مصدومة فيه كتقول مع بالها هادا يمكن ماشي نورمال ولا فيه إنفصام فالشخصية
فهد كمل وقرب ليها مخنزر هي غير شافتو جااي بدأت راجعة باللور حتى وقفها الحيط
هو وصل قدامها عاض على فمو بعصبية كيشوف فيها بنضرة حاااادة هبط راسو شوية حتى وصل لمستواها شد ليها فكها علا ليها راسها حتى شافت فيه كلها كتقفقف شنايفها كيترعدو بالخوف وتكلم
فهد بهدووء وحدة فنفس الوقت :قللللت ليييك أكرم خط أحممممر ماشي غير ماتجلسيييش حدااااااه سميتووو مانسمعهااااش خرجاااات من فممممممك ولا لسااااااانك غادي نقطع دييينمو من الجدر مفهوووووووم ولا نخدم يديييييي حيت كتبانيلي كتفهمي غير بالعصىىىى
#يتبع
يويويويويي 🇲🇦🇲🇦🇲🇦 الحمد لله ياربي لعقوبة نربحو مع البرتغال
