🍒الفصل الثالث : صفاء روحكي أذاب فؤادي
فالجردة لتحت وصلات طموبيلة سلمان قدام باب القصر الداخلي . وقف ونزل هو وفهد وصفاء .
سلمان شد صفاء من قرفادتها ودخل بيها وهي كتضحك على الطريقة باش كيعاملها وكيفاش شادها . ومن اللور تابعهم فهد غير كيتنهد ماعارفش كيفاش يتصرف ولا الطريقة باش يبعدها على ولد عمتو قبل مادير حتى هي شي خطة وتحاول تطيح من سمعتو.
دخل سلمان شاد فصفاء حتى لوسط القصر . لقاها خااوية كلهم طلعو ينعسو منغير بلقيس لي مزاالة جالسة كتفرك فيديها وكتساين شي خبار
كانت حانية راسها نالأرض غير سمعات الحس علات راسها غير شافتهم وقفات جاية عندهم بخطوات سرييعة والفرحة غادي تخرج من عينيها وصلت حتى لقدامهم كتشوف فيها وعينيها مدمعين وصفاء مافهماتش نضراتها . بسرعة جراتها معنقاها
بلقيس :فين مشييتي أحبييبة خلعتيني علييك
صفاء بقات ساكتة حشمات تجاوب
فهد كان واقف كيتفرج فالأخير تنهد بسخط وقلب الطريق طالع بحالو
بلقيس:علاااش خرجتي من القصر أصفاء
صفاء بسرعة قلبات راسها لسلمان شافت فيه زعمة قلتي سميتي
سلمان:واااش أنا كنت باقي غادي نتفكر صاابر. ملي مالقيتكش خرجات ليا السمية بلا منحس
بلقيس ضحكات: ههههه ماكنتيش باغيانا نعرفو سميتك . وزعمة صفاء راه سمية زويينة
صفاء بتاسمات بخجل: لاا غير ولفت أخالتو يعيطو ليا صابر
بلقيس جبدات ليها خدودها:واااخا الالة صابر مايكون غير خاطرك
جراتها من يديها أجي معايا بعدا
سلمان بتاسم:الوااليدة هاني طالع ننعس. صابر أماانة عندك عنداااك تخرج تاني
بلقيس:لاا كووون هاني نحطها فعيني
سلمان طلع وهي جراتها جيهة الكوزينة ودخلاتها وصفاء مافاهماش علاش جابتها لهنا قالت يمكن غادي تفرش ليها تنعس هنا . وماتقلقاتش من الفكرة . بصح حوايجها مسخين غادي يوسخو ليهم الأتات
المطبخ كان خاوي والضوء مطفي الخدم سالاو خدمتهم ومشاو يرتاحو حيت هاد النهار داز عليهم طوييل .دخلو وهي تشعلو بلقيس الضوء . ودارت شافت فيها مبتاسمة
بلقيس:جلسي أحبييبة ديالي جلسي ف سالا مونجي
صفاء مافهماتش:ءء
بلقيس: هههه جلسي فالكرسي ديال الطبلة لي وراك
صفاء دارت لقات طبلة وفيها الكراسا ديال الأكل جرات كرسي وجلسات فوقو كتنتاذر شنو غادي تقول ليها وفين غادي تنعسها. عقلها كيقول ليها أكيد ماغاديش تنعس جاالسة هههه
بلقيس خلاتها جالسة ومشات كتقلب فالتلاجة عطياها بضهرها
بلقيس:شفتك قبيلة ماكليتي واالو . يمكن ماعجباتكش الماكلة
صفاء بتاسمات بحشمة
بلقيس دارت شافت فيها وهي مازالة كتقلب: هههه ماعجباتكش ياااك
صفاء عضات على فمها وضحكات ضحكة حلوة:ههههه الصراحة ماعرفتهاش وماعمرني دقت داكشي جاني غريب وأنا مكنعرفش ناكل بفرشيطة والموس
