🍒العشق السرمدي
🍒الفصل الثالت :صفاء روحك أذابت فؤادي
صفاء وجهها رجع حممممر العرووق غادي يخرجو ليها من جبهتها وقفاات وغوتااات فنفس الوقت
صفاااء : اعععععععععععععععععععععع اااااااه ااه
وقفات بزز دايرة ليليان فوق ضهرها زادت علااتها شدات ليها رجليها وتمشاات كتحاول تزرب واخاا ماقاادراش ضهرها محني ماقادراش تعلي راسها من قوة التقل غاادية كتنهج كتحس بقلبها غادي يسكت والمواااس كيدخلو وسط منوو ألم رهيييييييب غادي يقتلها وصااامدة مااباغااش تفشل و ماباغااش تطييح ،
براءة جبدات التيليفون يديها كيترعدو بالخوف يالاه شعلاتو لقات روينة المكالمات من عند يوسف وذكرى بدأت كتضرب فوجهها
براءة: أويييييلي ويييلي وشحاااال صووونااو أهئ أهئ أوييلي وشنووو نقوول لييييهم
صفاء بصوت متقطع: ه هدري م معاهم ض ضاروري يعرفو
براءة دوزات المكالمة كتنهج ليوسف يالاه صونا التيليفون تسمع صوتو
يوسف بصراخ: فيييييينكم من الصباااااح وأنا نصووووني فييين مشيييييتوووووو
براءة ببكااء:أهئ أهئ خ خووويا
يوسف سكت وتكلم بخوف:براااءة براااءة مااالكي شنووو طارييلك علااش كتبكي
براءة:أهئ أهئ ماشي أنا ليليااان ماعرفت مالها سخفاات والدم
يوسف بخوف:كيييييفاااااش الدم ، فييييين واااش تضرباااات طااااحت شنوو طاريلها
براءة:ماطاحتش كانت عادية حتى بدات كتغوت بكرشها وسخفاات أهئ أهئ اجيي عندناا
يوسف بصراااخ:فيييييييينكم
براءة: أهئ أهئ حنا فالكارياان دصابر سميتو كاريان النوار لي جاء قدام المارشي الكبير
يوسف كيهدر معااها ومفاافي كيقلب فجيمو على السوارت وذكرى واقفة قدامو لونها مخطووف
يوسف :أنااا جاااي دييها لشي أوبييطاال داااااابااااا
براءة: هااحنا غاديين لييه
يوسف:شنووو سميتو
براءة :صفااء شنو سمية الكلينيك
صفاء كلها عرقاانة كتقطر ماقادرااش تهضر: ك ك لين ك فرح
براءة:كلينيك فرح أخوويا
يوسف سمع السمية دالكلينيك وقطع عليها وخرج كيجري وذكرى تاابعااه مع غادي يركب فالطموبيل مع فهد وقف بطموبيلتو شافهم كيجريو خرج راسو من السرجم
فهد:ماااالكم
يوسف ماجاوبووش ركب فبلاصتو كيدخل فالسوارت ،ذكرى لي جااوبات وهي كتبكي
ذكرى:أهئ أهئ لييلياان خرجت مع براءة و مانعرف شنوو طرالها حنى غاديين لسبيطار
ركبت قدام يوسف وكسيرا بقوة مخلي العجاااج وراااه وفهد حرك الطموبيل تابعو حتى هو كيطير ماباغيش يفلت ليه حيت ماعارفش شمن أوبيطال غادي ليه
