🍒الفصل الثالث : صفاء روحكي أذاب فؤادي
فبيت عصام طافيين الضوء وكل واحد فيهم ناعس فجية عاطيين لبعضهم بالضهر السكااات والجو هاادئ.
عصام من قبيلة وهو على هاد الوضعية بزز على أعصاابو كيساينها غير تنعس باش يدور يعنقها. هو أكيد ماغاديش يوصل لمرحلة لي وصل ليها يوسف مع ليليان يعرييها وينعس معاها ، أكيد ماغاديش يقدر يدير هاد التصرف مع وحدة بحال سحر لكن على الأقل غير يعنقها وينعسها فوق صدرو .
حل عينيه وهز راسو بشوية كيتصنت على تنفسها لقاه هادئ باينة غادي تكون نعسات ، مد يديه بشوية وشعل الفيوزة لي قدام السرير باش تعطي شوية ديال الإضاءة
دار بشوية مبتاسم عض على شنايفو وهو كيشوف فيها ناعسة قدامو وأخيرا محبوبتو وبنتو رجعات تشرك معاه سريرو كيف كانو شحال هادي .
قرب ليها بشويية مادايرش الحس حتى وصل قدامها. طل عليها لقاها مغمضة عينيها أكيد نعسات ،مد يديه وبدأ كيلعب ليها فشعرها وكيدوزهم على خصلاتها الفازكين بحناان هبط راسو كيشم فشعرها ريحة الفاني لي ديما كانت ساحرااه. اااااه وشحال شتاق لهاد الريحة . بقا مدة كيشوف فيها وتردد من هاد الخطوة مد يديه بشوية وشد ليها فشعرها مبعدو جنب حتى تكشف عنقها الحليبي قدامو غير شافو وشاف الخالة الصغيرة لي فجنبو بتاسم وقرب ليها بشوية حتى وصل قدام عنقها نفسو سخونة كتدغدغ عنقها بلل شفايفو وصرط ريقو بشهوة عاد تحنى واضع شفايفو فوق عنقها
غير حطهم غمض عينيه وتنهد بحب قلبو كيضرب إحسااس زوين حب وعشق وسكينة وفرحة أنها قدامو وبين يديه . زيد الجو كان شاعري وهاادى رومانسي بإمتياز . السكات والضوء قليل مصلط جيهتهم والكوفرلي لونو أحمر لي مغطيين بيه عاطي رونق وجمالية للوضع لي هوما فيه .
عصام مع حط فمو بقا تواني عاد بدا كيحرك فمو باش يبوسها ، يالاه حرك فمو وهو يحس بسحر تحركات وع الدورة لي غادي تدور مع عطاتو لكمة لوجهو بقوة حتى داار وناضت وقفات بسرعة فوق السرير
سحر بعصبية :ههه يحسااابلييك نعست وااش لي ناعس قدام شيطاان يديييه النعااااس. كنت عاارفااك كتخطط تقرب ليا والله لا حلمتيييي بيها
عصام شد فحنكو وبتاسم جنب :يدييك قاااصحة .
طلع وهبط فيها وبسرعة جمع ليها رجليها بركلة حتى طاحت مكركبة ومع الركلة كانت قوية ماجاتش طايحة فوق السرير . جات مرضوخة فالأرض على ضهرها
سحر:ااااااااااه
عصام غير شافها طاحت فالأرض ناض كيطير باش يشوفها واش بيخير غير وقف قدامها جمعات ليه حتى هي رجليه ورضخاتو بقوة قدامها و بسرعة قربات ليه ومدات يديها شانقاه من عنقو
سحر : أخخخخخر مررةةة أعصااااام . عطيني التقااار وخطي ساااحتي ولا مايعجبك حااال . راه سحر ماشي ساهلة ،مايقولش ليك عقلك سحر حيط قصير غادي تتخطاه
(عصام غير كيشوف فيها مبتاسم حاضي كلامها وكيفاش مغددة وكتزير بيديها على عنقو واخا مامأتراش عليه لدرجة غادي يتخنق)
سحر: درناااا إتفاقية وتفاااهمنا قبل ماتجيييش دابا تلعب معاايا هاد اللعب، أنا ماشي بنت صغييرة عااارفاك وعااايقة بييك وخططك ماغاديش يدوزو عليا نتا لي خبيتي حوايجي ونتا لي سديتي بلاكاراتك ونتا لي خرجتي الأريكة ونتا لي سديتي الغرفة لي فالجناح هادشي كلو بااش ننعس قداامك وتقرب ليا مااااااااااااتحلمش
عصام كان كيتصنت ليها مبتاسم غير كملات كلامها كتنهج هز يديها وشد ليها يديها لي كتقجو بيهم وجمعهم بقوة وراء ضهرها شادهم بيديه بجوج حتى جاء راسها مرضوخ فوق صدرو
شاف فيها وهي كتتنتر بصبية باغية يطلقها بتاسم و عض على شنوفتو وخشا راسو فعنقها كيبوس فيه
عصام:امممم نمووووت على طاصيلت مممك أنا المعصبة ديااالي اممممم
