🍒الفصل الثالث : صفاء روحكي أذاب فؤادي
براءة طلعات كتجري هي وأكرم فالدروج حتى وصلو لفوق لقاوها واقفة كيف خلاتها وقفو كيشوفو فبعضياتهم
أكرم كيساينهم يهدرو : اماالكم شكاين
براءة: واا تعرفو بعدا
أكرم عنق صفاء جنب:هادا الخوادري صابر تعرفت عليه البارح فالحفلة
صفاء درباتو لكتفو:العززز أخويا نتا لي كتتعامل معايا كيف بغيت باينة غادي نتفاهمو أنا وياك
أكرم ضحك: هههه شنو بغيتي أصفوووءة
صفاء خنزرات : صافي سحبت كلامي
أكرم:هههههه حمقة شنو بغيتي محتاجة شي حاجة
براءة:فزكات حوايجها وبغات تبدل
أكرم: وأنا شنو غنديرلها
براءة:حطيها شي حاجة راه ماكاتلبسش لبس البنات . ولبس خوتي كباار بزاااف عليها
أكرم:ندين مممك كنبانليك أنا عندي فورمتها
براءة:هههه لا حتى نتا مفورمي لكن ماشي بحال فهد وعصام
صفاء غير سمعات سميت فهد قلبها ضرب رجع كيجيها خوف منو
أكرم يالاه تبعوني . تمشى فالكولوار وهوما تابعينو دخلو لبيتو لي كيبان شبابي بإمتياز ديكوراتو أنيقين وعامر صور ديال السيارات حيت كيموت على السباق والطموبيلات . دخل لدريسينج وهوما تبعوه داخلين وراه
أكرم: شنو بغيتي نعطيك
صفاء: غير شي سورفيت تكون عندك قديمة نمشي بيها وغدا نجيبها ليك
أكرم شاف فيها مخنزر:وعلااش غادي نعطيهاليك قديمة
صفاء: غير باش مانكرفصهاش لك ونتوما لبسكم غالي
أكرم:أخر مرة تقولي هاد الكلام نعطيك أغلى حاجة عندي وماشي خسارة فيك نتي صديقة سلمان ودابا وليتي صديقتنا كلنا
صفاء بتاسمات:الله يحفضك ليا أخويا
أكرم دخل كيقلب فالبلاكار لقا سورفيت ديال التوب فالأسود مدها ليها : شوفي هادي
صفاء شداتها:هاد التوب باين كيتجبد ماكانبغيهش ماعندكش التوب الطايح لي كيخشخش
أكرم علا حاجبو:كيخشخش
صفاء: اه ملي كتمشى كيدير خشخش
أكرم ضحك ودار كيقلب ليها :ههههه خش خش
(لقا سورفيت فالأزرق مدها ليها ) هاك هادا كيخشخش
صفاء شداتها بإبتسامة :واخا نجربها
أكرم وبراءة خرجو برا وهي قلعات السورفيت ديالها ولبساتها جاتها كبيييرة وطاايحة حلات الباب وخرجت غير شافوها طلقوها بضحكة
براءة وأكرم:هههههههههههههههه
براءة: لبس السحراوي
أكرم:ههههههه خنشة وغادية هههههههه
صفاء خنزرات فيهم وهبطات راسها كتشوف يديها مدليين ولتحت رجليها ساطمة على رجل السروال
صفاء بخنزورة حلوة: يااااك كتضحكو عليا ياااك
أكرم:هههههه لا والله حتى جات معاك جات لاااابساااااك ههههههههههههه
براءة:ههههههههههه غنمووت
صفاء: صاافي بعدو مني غادي نرجع نلبس ديالي واخا فازكة
براءة: لااا هه غير خليها واخا كبيرة غير علي ليها اليدين وتنيها من رجليها. ياك من النص هي هاديك
صفاء: أه فيها السيور ربطتهم
أكرم:يالاه غير تنيها من الرجلين
صفاء تحنات وتنات ليها رجليها وعلات الكمام ديال اليدين:شوفو دابا
أكرم شاد الضحكة:هه زوينة زوينة واخا كتبان كبيرة لمهم قاضية الغراض
براءة :صاافي لبسي سبرديلتك ويالاه نهبطو
صفاء لبسات سبرديلتها وخرجو نازلين
صفاء:شكرا أخويا أكرم
أكرم:العفو مابيناتناش
لتحت كانو جالسين كيتحدتو غير سمعو صوتهم علاو راسهم .
كلهم شافوها ضحكو إلا واحد لي شافها بالسورفيت أكرم خنزر وخشا يديه فجيمو زير على الرابوز
#يتبع
