🍒الفصل الثالث : صفاء روحكي أذاب فؤادي
صفاء:إدا بغا تجلس لور أنا نمشي نالقدام
براءة زيرات ليها على يديها زعمة سكتي
صفاء بهمس:وااش توما الناس لي لبااس عليكم كتخاصمو على اللور
براءة بهمس حتى هيا: ههه كيفاش
صفاء:حيت حنا كنتخاصمو شكون يجلس القدام
براءة:ههههههه حمقة
صفاء بتاسمات وشدات فقلبها لي من الصباح وهو ينغزها ماعرفت ماالها واخا شربات دواها مابغااش يفوتها
براءة شافت فيها:صفااء مالكي كتترعدي واش نتي بيخير
صفاء حركات راسها بأه:ماتخاافيش ببخير
براءة:خلعتيني عليك وجهك صفر أصاحبتي
صفاء:غير عييت شوية مع الخدمة
براءة:واغمضي عينيك حتى نوصلو
صفاء بتاسمات ليها وغمضات عينيها
بعد نصف ساعة وصلو الطموبيلات لباب القصر ودخلو وقفو قدام الباب الدخلاني نزلات صفاء وبراءة لي طريق كاملة وتيليفونها كيصوني كمال باغي يهدر معاها
براءة:صاابر دخلي أنا نجاوب فالجردة ونتبعك
صفاء : واخا
صفاء جات تدخل وهي توقفها ميسون: هييي أجي هزي معايا
صفاء دارت شافت فيها: أأ
ميسون:هزي معايا السشيات نطلعهم لبيتي رجلي ضراتني ماقادراش نهز
.صفاء تقدمات بحسن نية وهزات من الكوفر سشياتها مع بزااف ماعارفاش كيفاش تهزهم تهز وحدة تطيح ليها التانية
ميسون شافت فيها وبتاسمات عاجبها لحال تشوفها مكرفصة وكتعاملها بحال الخدامة
صفاء هزاتهم كلهم وزيد واقفة غير بزز حاسة بقلبها كيضرها وكيزدح عليها والسخفة ديال الجوع وزيد لبارح بكات بزاف ومااجهاش النعاس كلشي تجمع عليها
هزاتهم بصعوبة وتبعاتها داخلة لوسط القصر وراها وميسون غادية مخنزرة ومعليا راسها لفووق
ميسون: تبعيني طلعيهم ليا لبيتي
صفاء حركات راسها بواخا وبقات غادية تابعاها حتى كيوقفها بصوتو لي بحال شي زلزال ضرب القصر
فهد: هييييييي وقفييييييييييييييييييييييييي
وقفات هي وميسون لي كنت قدامها، علات صفاء راسها لقات فهد واقف فالصالون قبالتهم ولاب توب قدامو فوق الطبلة كان خداام على المشروع الجديد ديالو حتى كيسمعهم داخلين غير علا راسو بقا مصدوم من المنضر ،ميسون غادية كتعوج بطالونها وكتحرك بصباعها عاطياها إشارة تتبعها وصفاء وراها هازا ديك الكمية كلها ديال الساشيات وتابعاها بحال شي خدامتها وباينة عليها عيانة وماقادراش حتى توقف.
ماعرفش ماالو ماحملش المنضر وماتقبلووش ، علاااش تعاملها هكاااك علاااش تهز ليها زبلهااا عالاااش تنقص منها حتى حد ماعندو الحق ينقص منها هادشي لي جاه فباالو عينيه رجعو حوومر وعقلو مخلبط ماعارفش علاااش فكر هااكا وعلااش غادي يفكر أصلا لاكن الفكرة لي سيطرات هاد اللحضة عليه أنه حتى حد فهااد الدنيا كلها ماعندو الحق يطيح منها
تقدم عندهم بحال الوحش نفسو كتطلع وكتنزل بعصبية عينو حومر بحال الجمر مخنزر وعاض على شنوفتو تقدم جيهة صفاء حتى خلعها رجعااات كلها كتترعد غادي تطيح على وقفتها خاافت منو حسااب ليها غادي يضربها وديك (هييي ) لي قاال حساب ليها وجهها ليها حيت جات لعندهم وهو ماباغيهاش تجي
وصل عندها ووقف قبالتها حتى درقها من قوة طوييل وعرييض عليها كتبان بحال الببوشة قدامو ، نفسو كتطلع وتنزل عاض على فمو وداير فوجهو وااحد التخنزيرة تطيح الرجاال الشلاغمية
صفاء علات عينيها فيها وجهها صفر بالمرض وزيد الخلعة خاايفة منو رجعاات كلها كتترعد والساشيات فيديها ماقادراش تهزهم وهو كيشوف فيها ويشوف فيديها
صفاء عضات على شنوفتها وعينيها دمعو وشافت فيه ببراءة كلها كتترد البولة غادي تهبط ليها منو أكتر واحد رجعات كتخاف منو هو فهد غير كتشوفو قلبها كيكون غادي يخرج من بلاصتو عندو واحد الهبة غير طبيعية
صفاء تمتمات :عاافاك سمحلي أخويا براءة لي جابتني ،إدا بغيتي نمشي داابا نمشي غير ماتضربنيش
ميسون كانت واقفة كتشوف فيهم ومبتاسمة كتساينو يقول ليها قودي
فهد بقا مخنزر كيشوف فعينيها المدمعيين ووجيهها الصفر وصوتها لي باين عليه الخوف دار حركة مقرب ليها حتى تخطفات وكانت غادي تهرب لكن هو وقفها ملي شد ديك السشيات لي فيديها ونترهم بقوة حتى النص ديالهم تقطعو وتشتتو فالأرض حيت السشيات من الورق وديك لي بقاو فيديه شدهم ودار بالجهالة وبعصبية وضربهم لميسون على وجهها بقوة حتى فقدات التوازن وطاحت فالأرض والساشيات فوقها
فهد بصراخ حاااد : قلااااااااااااااااو*ييييييك هزييييييهم لككككككر*ك القحببب*ة مااااتعطييييش ليهااااا تهزهم لييييييييك نعااااااود نشووووف دييلمك كتدوووري بييها ولا قربتي منهااااااا ندفن دييين ممممممك يااالاااه قودييييييييي من قداااامي
#يتبع
