🍒الفصل الثاني :صفاء روحك أذابت فؤادي
بقاو دقائق جالسين كيرتاحو كيتحدتو حتى حسو براسهم شوية وناضو كيتمشاو فالسويقة ، صفاء خلات الطبلة لأشرف ومشات معاهم كتوريهم البلاصة فين تربات كبراات
صفاء: عرفتوو راااه السقااية لي كنسقى منها الماء
ليليان: وفين كاتاخديه
صفاء: لدااري كاينة فهاد الجهة هاحنا غادي ندوزو عليها.. ولهييه شفتو السويقة دالخضرة والديسير ، هاد الجهة التانية فيها الحوايج
براءة:الجو الشعبي كيعجبني أنا
صفاء :غير كاتقولي هاكا ماتقدريش تعيش هناا
ليليان: شوووفو شوووفو موول الصووفة بغييتها
صفاء شافتو بتاسمات وتمشات عندو : باا حمد صاايب لييها واحد الصووفة، براءة نتي بغيتي
براءة: لااا مابغيتش
صفاء: صاافي صيب غير وحدة
مول الصوفة: هي الأولى علااش شحال عندنا من صاابر
صفاء: الله يحفضك لياا أبا حمد
مد العود دالصوفة نليليان لي غير شداتها بدات كتاكل وتتبنن، جات براءة تجبد الفلوس من الصاك لقات صفاء خلصاتو، بتاسماات ليها وحشمات تعطيها درهم
صفاء: الوحم جاك على الحلاوة يمكن عندك بنيتة
براءة ضحكات: رااه كتقيل تتوحم حنا قتلاااتنا. غير قبيلة قالت ليك بغات اللوبيا
صفاء : هههه بصحتها خليها تتوحم مع راسها، إدا مازاال باغية اللوبيا يالاه نمشيو عند ميي نعييمة كتصيبها بنيينة والمرأة نقية على ضمانتي
ليليان كانت كتاكل غير سمعاتها لاحت العوود من يديهاا : أه أه داابا ياالاه فييين
صفاء : ههههه صبري هاحنا غاديين فأخر الشاريع
ليليان جراتها:ياالاه بزربة تفكرتها تشهييتها زيدي قبل مانحكها ويطلع ليا ولدي لووبيا
براءة:هههه حمقة لي يتربا مع المصااعير لي عندنا يطلع لووبيا والله حتى يدوزوه من عين لبرا،
ليليان: غيير يالاااهي بالزربة غاادي نمووت عليها
بقاو كيتمشاو بخطاوي سراعين حتى خرجو من الكاريان ووصلو قدام الشانطي لقاو تما واحد المحل شعبي ولكن كيبان نقي شوية دخلو ليه
صفاء:ميي نعييمة عاافاك تلاتة طباسل داللوبيا
المرأة غرفات ليها الطباسل ومداتهم ليها مع الخبز حيت ماعندهاش السرباية
صفاء شداتهم حطاتهم فالطبلة وجبدات خمسين درهم من جيمها وخلصااتهم
براءة:شنوو كدييري لااا أنا نخلصهم
صفاء:لااا دابا نتوما ضيااف عندي وأنا لي نخلص عليكم
براءة: لااا والله حتى حشوومة (مدات ليها مئة درهم) شدي عاافاك
صفاء خنزرات:كووني تحشمي وااش غانشد من عندك فلوس اللوبيا راه مابيناتنااش حنا خووت
دارو باش يجلسو لقاو ليليان دخلات طوول وعرض فديك الطبسييييل كتاكل وكتتبنن مامسوقااش ليهم وشكون يخلص
بتاسمو وجلسو قدامها كياكلو من طباسلهم
براءة:امممم صراحة بنييييينة
ليلياان:بنيينة وسكتيي أنا عمرني كليت بحاالها
صفاء بتاسمات:بصحتكم جيبتكم لهنا حيت عاارفة مي نعييمة نقية شحال من مرة جيت لقيتها عاد كترضها كتنقيها وتغسلها عاد كترضها وحتى الطناجر والماعن كتغسلهم بجافيل
براءة:الصرااحة تبارك الله عليها لذييذة
مازاال كيهدرو وليليان تشد فكرشها وتحناات كتتوجع
ليليان:اعهععععععع
صفاء وبراءة ناضو كيطييرو قربو ليها
براءة:لييليااان ماالك
صفاء:لييلياان حبيبة ماالك
ليليان شادة فكرشها كتتوجع:اعععععععع كرشييييييي كنتقطااااااع اععععععععععععع
براءة بخوف :وقفييي وقفيييي يالاه نمشييو نلوبيطاال
شدو فيها موقفينها ،غير وقفاات تبلووكااو وتصدموو عينيهم خرجو من المنضر،سرواالها كلوو دمااياات فيااضااان نازل بين رجليها
