🍒الفصل الثالث : صفاء روحكي أذاب فؤادي
وسط القصر العرس مازال مستمر سحر وعصام مازال كيرقصو . ولي كوبل تانيين حتى هوما قربو باش يرقصو ومنهم ليليان ويوسف لي دارتليه الشقيقة باش ترشطح
واقفين وسط الجردة معنقها ومدخلها فحضنو وهي دايرة راسها فعنقو كتشمشم فعنقو ومرة مرة كتخرج لسانها وتلحسو .
ويوسف غير كيتنهد مصبر راسو بزز
يوسف بهمس:لييييليان ماالنا واش باغية تقتليني
ليليان معنقاه زادت كتنخشش فيه ريحتو حمقااتها: اممم خنيني
يوسف عض على فمو وتنهد: ماالكي هاد النهار
ليليان:امم عجبتيني
يوسف بتاسم وزاد قربها ليه خاشي راسها وسط عنقو وكيحرك يديه فضهرها : نتي ماشي غير عجبتيني هبلتيييني . كلك على بعضك حلوة . كتحمقي . فخبارك أنا بلا بيك نمووت نتصطي . خرجت وشفت وجلت ماخليت فين مشيت وجميع أنواع لبنات شفت لكن بحالك وااالو عمرني شفت. ونتي أحبي تقدري تعيشي بلا يبا. وصلتي لمرحلة الهوس لي وصلت ليها أنا
ليليان كانت منغامسة فمشاعرها وفلحيسها حاسة بالحنان والدفئ وزيد الجو رومانسي بإمتيااز مع الموسيقى يالاه جات تعلي راسها وتقوليها حتى أنا كنموت عليك حتى أنا مانقدرش نعيش بلا بيك. بغات تسمعو حتى هي الكلام لي كينتاذر يسمع . يالاه غادي تنطق وهي تحس بكرشها دارت وشي حاجة طالعة معاها . مادركاتش تبعد من عنقو حتى كانت رداات. والمشكلة ماشي غير رضات . المشكلة مع هي كانت مدخلة راسها وسط الكول وكتشم ريحتو ملي جاتها الرضة رضات لدااخل وسط لحمو.
يوسف كان مبتاسم كينتاذر جوابها على أحر من الجمر باش يكمل الجو الشاعري لي هوما فيه حتى كيحس بشي حاجة سخووونة هابطة على صدرو . نزل بعينيه مالقى والو فحوايجو. شاف فيها جنب لقاها الشاداه من الكول ومدخلة راسها فعنقو وكترد . تصدم وعينيه خرجو ماعرفش شنو يدير واش يبعدها وغادي تزييد تجلخ الدنيا وتجلخ راسها ولا يخليها تكمل الرضان ديالها على خاطرها
عض على فمو وختار الإختيار التاني يخليها حتى تكمل الرضان . أما هي تبوعاات كيف بغات ومع كلات بزااف وكترات من الحلوة الردة مابغاتش تسالي. ماوقفات حتى بدات كتحس بالمرورة فحلقها
بعدات عليه كتمسح فمها فصدرو وهو غير كيشوف فيها وكيحس بالرضة وصلات لكرشو شدها غير حزام السروال أما كون ماكانش داير الصمطة كون هبطات بين رجليه
غير بعدات عليه شاف فيها مخنزر عاض على شنوفتو
يوسف: شنووو درتيييييي
ليليان شافت فيها وضحكات ببلاهة : رضيت عليك
يوسف قرب ليها بزربة وهزها دارها فوق كتفو مجنن حيت من قبيلة وهو كينبهها باراكة من الحلوة راه غادي تضرك يهدييك الله باركة. لكن هي راسها قاصح كادير غير لي قال ليها عقلها وهاهي جابتها فراسها
هزها فوق كتفو مقلوبة وداز طالع بيها قبل الرضة ماتخرج على حوايجو وتطرا ليه الشوهة قدام الناس
