الفصل الثالت:صفاء روحك أذابت فؤادي
♣️الجزء :572
فهد: شوووفي رااه ماكنحشم من ححححد تجمعييي ولا نجمع دييينمك الفشووووش الخااوي ماشي معاايا ونوضي تحركي جمعي حواايجك غادي تدوزي معاهم هاد اليومين عاد نرضك
صفاء رجعات حمرة شافت فيه ورمشات وبما أنهم كلهم هناا ماغاديش تخاف منو وغادي تواجهو : وااش منيتك أخويا علاش كتهدر معايا بهاد الأسلوب،إدا مابغيتش نمشي ماغاديش نمشي
فهد شاف فيها وعينيه حمريين : كتجااوبي معااااايا ،تزااد معااك دااااااابا الزااايد
صفاء علات حاجبها:منيتتك ماشي سوقك فيا اخويا
فهد شد الكأس لي فيديه وضربو بقوة الجيهة لي جالسة فيها جا فالحديد دالبراكة حتى تشتت : من كرييييييي كندويييي ماشي من نيتي نووووضي تقااااااودي
صفاء رجعات كلها كتترعد وهبطات عينيها لي عماارو بالدموع
ذكرى:اوييييلي ماالك نتاا ياهاد المصعووور بعد من البنت
فهد دار يديه على جبهتو وتنهد كيحاول يبرد
سحر قربات لوذنيه وهدرات:نقص من العصااب البنت مفاهمة واالو ونتا فعيوض تقربها ليك كتخلعها هاكا
فهد: ماعندييش مع النفااق والزوااق فالهدرة ،انا عندي مع الكتابي اما الشفاوي كنخليه لزواااامل كنفهم ف التطبيييييق ،ماغاديش نتبدل هادا طبعي وهي بزز منها غادي تولفني
سحر بهمس:نتا ماشي عصاابي نتا راك مريييض اويلي
فهد بحدة:زميييه ولا ندلقم دين ممك حتى نتي ،ماكاتبغيوش الرجاال كيعجبوكم الشمايت لي كيتلحلحو فالهضرة اما الحروشية مكاتبغيوهاش
يوسف:نوض نوض اصاحبي نساينوهم براا نوض
ذكرى غمزاتو:نوض اولدي الله يرضي علييك نوض مع خوك
فهد تنهد ووقف مخنزر: هااني فطوموبيل تنوض تجع داكشي لي غادي تحتاج وتخرج معاكم
صفاء غير مهبطة راسها مابغاتش تزيد تهدر قدامو قدرات تفهم طبعو وأن فمو خاسر وقدر يسبها ،هي كانت كتضنو غادي يحشم قدامهم لكن ملي قدامهم وتصرف بهاد الطريقة صافي مالقات ماتقول،أصلا هي من الأول كتخاف منو
فهد شاف فيها لقاها كتسرق فيه الشوفة بتخبية خنزر فيه حتى هبطات عينيها دغية و تمشى جيهة الباب حلو وخرج شعطو وراه يوسف كان خارج وراه تنهد من العصبية ديال خوه حل الباب وخرج تابعو
