🍒 الفصل الثاني: إعتذاري منكي لن ينسيكي
فالقصر طلعو البنات لبيتهم وكل وحدة جاو عندها لكوافورات دياولها كيصايبولها. ليليان صايبات وجهها سامبل وشهرها دارتلو بوكلي وخلاتو مطلوق ولبسات قفيطين خفيف فالموف .
براءة حتى هي صيبات ميكاب خفيف وشعرها علاتو ودارت ليك كعكة لفوق ولبسات قفطان فالحمر.
ذكرى لبسات قفيطين فالصومو ودارت شال على راسها وجهها ميكاب زوين ولكن سامبل
وبلقيس لبسات قفطان فالسماوى لون عينيها ودارت شال على راسها وجهها خلاتو ساامبل مافيه والو. أصلا هي زوينة بلا والو.
القصر لتحت كان كمل بالتحضيرهات المنصة دالحنة تحطات فالصالون والجردة كمل تزيينها. والمعازيم بداو يوصلو حيت غادي تبدأ الحنة وبليل عاد العرس.
ذكرى وبلقيس كيرحبو بالنساء حيت الحنة فيها غير النساء والبنات.
والجردة واقفين فيها الدراري فهد ويوسف وعصام وياسين ومراد. لابسين لباس عادي حيت هوما حتى نالليل عاد غادي يلبسو لبس رسمي
عصام: الجردة كملاات بقا غير داك الفاص ماقدهمش فالإضاءة ومشاو يزيدوه
فهد: جاات الجردة واعرة. أحسن حاجة هي درتي الحفل غير هنا لا أوتيل لامنتجع
مراد: لاا هكا حسن طلعو لينا لحفلات ديال الأوطيلات فراسنا
لفوق دخلات ذكرى لغرفة سحر يالاه دارت خطوة الأولى وهي توقف مصدوومة حاطة يديها على فمها .
جاات فنة بحال شي أميرة. لابسة تكشيطة فاللون الفيروزي وكلها كتبري بالأحجار الكريمة . دايرين ليها ميكاب ماخفيف ما تقيل خاص بحنة العروسة. وشعرها مطلوق و مموج ودايرين ليها فوق راسها تاج كلو كيبري بالفيروزي.
ذكرى:اللهم صلي وسلم على رسوول الله..اللهم صلي وسلم على رسول الله
سحر علات راسها فيها مبتاسمة
ذكرى قربات ليها عينيها مدمعيين وشدات ليها فيديها: جييتي فنة أبنتيييي أميييييرة. كتحمقييييي
سحر شافت فيها: مااشي بزااف أماما وحاسة براسي ماشي هي أنا. كون غير حيدتو ليا هادشي
ذكرى: وااش حمقةة ليوووم عرسك . فرحييي بيييه وتمتعي. نهار واحد فعمرك إدا مادرتيهش غادي يجي النهار ونتدمي علييه
سحر: ماما هادشي أنا مابقاش كيعني ليا . وماشي أي حاجة كتفرح سحر
ذكرى بتاسمات وشدات فخدودها: إدا ماكاتفرحكش نتي كتفرح ماماك
سحر بإستغراب:ماما
ذكرى: أه ماماك. ليوم عرس بنتها الوحييدة وبغيتيها تتقلق
سحر عينيها دمعو: دابا غادي تكون كتشوف فيا وحاضرة معايا
ذكرى:أكييد كتشوفك وفرحااانة غادي تطيير بالفرحة حيت جيتي أجمل عرووسة.
سحر حركات راسها كتأيد كلامها وعينيها بداو يقطرو فالدموع: بصح أه أه كتشوفني. أنا كنت حلمتها هي وبابا. وقالو ليا حنا حاضيناك وكنشوفوك من السماء
ذكرى بتاسمات بانت ليها سحر بحال شي بنية صغيرة. وكل مرة كتجبد ليها ماماها وباباها كتتبدل شخصيتها وكيبان الضعف والطفولة لي فيها
ذكرى: وشنوو بغيتي تقلقي دابا ماماك وتبكي
سحر:وخاا نقتل راسي ومانخليش دمعة تنزل من عينيها. علات راسها لسقوف مبتاسمة بحزن وقريبة تبكي
سحر:هه هانا أماما أنا مزياانة وفرحاانة ههه والله عاجبني الحال هه شووف جيت زوينة يااك بنتك أحلى عرووسة هه ليوم عرسي أماما جيت بحال الأميرة عجبتك يااااك
ذكرى ماقدراتش تصبر وجراتها فحضنها كتبكي . وسحر بحال كانت كتساين حضن علاش تبكي .
سحر: اااااه أهئ أهئ بغييييييت مااااامااااااا
